ઈન્ડિયા-A ટીમે શ્રીલંકા-Aને 278 રનનો ટાર્ગેટ આપ્યો:રનચેઝમાં શ્રીલંકન ઓપનર્સની જોરદાર બેટિંગ; ટીમનો સ્કોર 79/0

ઈન્ડિયા-A ટીમે ટ્રાય-સિરીઝની પહેલી મેચમાં શ્રીલંકા-Aને જીતવા માટે 278 રનનો ટાર્ગેટ આપ્યો છે. જવાબમાં શ્રીલંકન ટીમનો સ્કોર 14 ઓવરમાં 79/0 છે. ટીમ તરફથી નિરોશન ડિકવેલા અને અવિષ્કા ફર્નાન્ડો ક્રિઝ પર છે. બંને વચ્ચે 50+ રનની ભાગીદારી થઈ ચૂકી છે. દામ્બુલા સ્ટેડિયમમાં મંગળવારે ઈન્ડિયન ટીમે ટૉસ જીતીને બેટિંગ પસંદ કરી હતી. ટીમે 50 ઓવરમાં 6 વિકેટ ગુમાવીને 277 રન બનાવ્યા હતા. ઋતુરાજ ગાયકવાડે 101 રનની ઇનિંગ્સ રમી હતી, જ્યારે કેપ્ટન તિલક વર્માએ 60 રનનું યોગદાન આપ્યું હતું. IPL-2026માં સૌથી વધુ રન બનાવનાર વૈભવ સૂર્યવંશી માત્ર 14 રન જ બનાવી શક્યો હતો. શ્રીલંકન ટીમ તરફથી મોહમ્મદ શિરાજે 2 વિકેટ ઝડપી હતી. ઋતુરાજ-તિલક વચ્ચે સદીની ભાગીદારી બન્ને ટીમની પ્લેઇંગ-11 ઈન્ડિયા-A: વૈભવ સૂર્યવંશી, પ્રભસિમરન સિંહ (વિકેટકીપર), પ્રિયાંશ આર્ય, ઋતુરાજ ગાયકવાડ, તિલક વર્મા (કેપ્ટન), આયુષ બદોની, અનુકૂલ રોય, સૂર્યાંશ શેડગે, અંશુલ કંબોજ, અરશદ ખાન અને વિપરાજ નિગમ. શ્રીલંકા-A: નિરોશન ડિકવેલા (વાઇસ કેપ્ટન અને વિકેટકીપર), અવિષ્કા ફર્નાન્ડો, નુવાનિદુ ફર્નાન્ડો, સદીરા સમરવિક્રમા (વિકેટકીપર), સહાન અરાચિગે (કેપ્ટન), ચમિકા કરુણારત્ને, રવિન્દુ ફર્નાન્ડો, વાનુજા સહન, વિજયકાંત વિયાસકાંત, મોહમ્મદ શિરાજ અને ગરુકા સંકેત.