Idli Recipe: નાસ્તામાં મગ દાળ અને પાલકની ઇડલી બનાવો, પ્રોટીનથી ભરપૂર પૌષ્ટિક આહાર

Protein Rich Breakfast South Indian Recipes: સવારે આરોગ્યપ્રદ નાસ્તો કરવો જરૂરી છે, જેથી શરીરને આખો દિવસ ઉર્જા અને અન્ય આવશ્યક પોષક તત્વો મળી રહે. ઘણીવાર સવારના વ્યસ્ત સમયમાં તે સમજી શકાતું નથી કે શું બનાવવું જે સ્વાદિષ્ટ તેમજ આરોગ્યપ્રદ હોય. આવી સ્થિતિમાં, જો તમે નાસ્તામાં સ્વાદિષ્ટ અને પૌષ્ટિક વાનગી શોધી રહ્યા છો, તો તમે મગની દાળ અને પાલકની નરમ અને સ્પોન્જી ઇડલી બનાવી શકો છો. હકીકતમાં દક્ષિણ ભારતીય વાનગી ખૂબ જ લોકપ્રિય છે. લોકો ઘરે વિવિધ પ્રકારની દક્ષિણ ભારતીય વાનગીઓ ટ્રાય કરે છે. આનું એક મોટું કારણ એ છે કે મોટાભાગની દક્ષિણ ભારતીય વાનગીઓ ઓછા તેલ અથવા તેલ વગર રાંધવામાં આવે છે, જેના કારણે તે સ્વાસ્થ્ય માટે ખૂબ ફાયદાકારક માનવામાં આવે છે. ઇડલી પણ તેમાંની એક છે, જે બાફીને પર રાંધવામાં આવે છે અને ખૂબ જ ઓછા તેલનો ઉપયોગ થાય છે. મગની દાળ અને પાલક માંથી બનેલી ગ્રીન ઇડલી પ્રોટીન, આયર્ન, ફાઇબર, વિટામિન્સ અને ઘણા આવશ્યક ખનિજોથી ભરપૂર છે. આ સાથે જ તે લાંબા સમય સુધી પેટ ભરેલું રાખવામાં મદદ કરે છે અને શરીરને પુષ્કળ ઉર્જા પ્રદાન કરે છે. ચાલો જાણીએ ઘરે મગ દાળ અને પાલકની ઇડલી બનાવવાની સરળ રેસીપી. મગ દાળ અને પાલકની ઇડલી બનાવવા માટે સામગ્રી 1 કપ મગ દાળ દાળ (3-4 કલાક સુધી પાણીમાં પલાળી)  1 કપ તાજી પાલક (ઝીણી સમારેલી અથવા પ્યુરી)  3 ચમચી દહીં 1-2 લીલા મરચાં (ઝીણું સમારેલા )  1 ચમચી આદુની પેસ્ટ  1/2 ચમચી બેકિંગ સોદા  મીઠું સ્વાદ અનુસાર સોડા મીઠું ઇડલીના વઘાર માટે સામગ્રી 1 ચમચી રાઇ  4-5  મીઠા લીમડાના પાન  1 -2 ચમચી તેલ મગની દાળ અને પાલકની ઇડલી બનાવવાની સરળ રીત ઇડલીનું ખીરુ બનાવો સૌ પ્રથમ પાણીમાં પલાળેલી મગની દાળમાંથી પાણીને સંપૂર્ણપણે કાઢી લો. હવે તેને એક મિક્સર જારમાં દાળ, પાલક, દહીં, આદુનો ટુકડો અને લીલા મરચા નાંખી તેનું ખીરું બનાવો. તમે પાલકને ઝીણી સમારેલીને પણ ખીરામાં ઉમેરી શકો છો. હવે ઇડલીનું ખીરું એક વાસણમાં કાઢી લો, તેને 10 થી 15 મિનિટ સુધી ઢાંકીનો રાખી મૂકો. તેનાથી ઇડલી સારી ફુલશે અને નરમ રહેશે. ખીરામાં વઘાર કરો એક કડાઇમાં તેલ ગરમ કરો, તેમા રાઇ અને મીઠા લીમડાના પાન તતડાવો. પછી આ વઘારને ખીરામાં રેડો, તેનાથી ઇડલી સ્વાદિષ્ટ બને છે. ઇડલી બાફો એક સ્ટીમરમાં પાણી ગરમ કરો. આ દરમિયાન ઇડલીના ખીરામાં બેંકિંગ સોડા ઉમેરો અને એક જ દિશામાં સારી રીતે ફેંટી લો. હવે ઇડલી સ્ટેન્ડ કે પ્લેટમાં તેલ લગાવો, તેમા ખીરું રેડો અને સ્ટીમરમાં 10 થી 15 મિનિટ સુધી બાફવા મૂકો. આ પણ વાંચો | સોજી માંથી બનાવો 10 વાનગી, સવારના નાસ્તા થી લઇ રાત્રી ભોજન માટે ઉત્તમ આહાર ઇડલી ચટણી સાથે સર્વ કરો ઇડલી બફાઇ જાય પછી તેને ચાકુ વડે એક વાસણમાં કાઢી લો. આવી રીતે ખીરા માંથી બધી ઇડલી બનાવો. મગ દાળ પાલકની ગ્રીન ઇડલી દેખાવની સાથે સાથે સ્વાદમાં બહુ સરળ હોય છે. તેને લાલ ચટણી, લીલી ચટણી અને નારિયેળ ચટણી સાથે પીરસો.