OPECની મોટી બેઠક : રશિયા સહિત 22 દેશોએ લીધો મોટો નિર્ણય, ભારત પર થશે સીધી અસર

OPEC Plus Oil Quota Hike : વિયેનામાં ઓપેક પ્લસ (OPEC+) મંત્રીઓએ રવિવારે જુલાઈ મહિના માટે ઓઇલ ક્વોટાને કુલ 1,88,000 બેરલ પ્રતિ દિન વધારવાનો નિર્ણય લીધો છે. જો કે, બજારના નિષ્ણાતોનું કહેવું છે કે, આ પગલાંથી કાચા તેલ (ક્રૂડ ઓઇલ)ની કિંમતો પર કોઈ ખાસ ઘટાડો જોવા નહીં મળે, કારણ કે મિડલ ઈસ્ટ (મધ્ય પૂર્વ)માં ચાલી રહેલા યુદ્ધને કારણે કિંમતો પહેલેથી જ ઘણી વધી ચૂકી છે. સંગઠનના સત્તાવાર નિવેદન અનુસાર, ઉત્પાદન વધારવા પર રવિવારે ઓપેક પ્લસના અગ્રણી દેશોના તેલ મંત્રીઓની વીડિયો કોન્ફરન્સ દ્વારા એક બેઠક યોજાઈ હતી, જેમાં સહમતિ સધાઈ હતી. આ દેશોમાં સાઉદી અરેબિયા, રશિયા, ઇરાક, કુવૈત, કઝાકિસ્તાન, અલ્જીરિયા અને ઓમાન સામેલ છે. ઉલ્લેખનીય છે કે ઓપેક પ્લસ સંગઠનમાં કુલ 22 દેશો ભાગીદાર છે.