ઘરેલું સિલિન્ડરના ભાવમાં આજે 29 તો ત્રણ મહિનામાં 89 રૂપિયાનો વધારો, વિપક્ષે કહ્યું,-'વસૂલી સરકાર'

LPG Price Hike: પશ્ચિમ એશિયામાં ઈરાન-અમેરિકા વચ્ચેના સંઘર્ષ અને તણાવના કારણે ભારતમાં ફરી એકવાર ઘરેલું સિલિન્ડરના ભાવ વધારવામાં આવ્યા છે. ભારત સરકારે આજે રવિવારે (7 જૂન, 2026) ઘરેલું સિલિન્ડરના ભાવમાં 29 રૂપિયા પ્રતિ સિલિન્ડરનો વધારો કર્યો છે, જેનો બોજ સીધી રીતે દેશની સામાન્ય જનતાના ખિસ્સા પર પડ્યો છે. 28 ફેબ્રુઆરી, 2026થી અમેરિકા અને ઈરાન વચ્ચે શરૂ થયેલા યુદ્ધ પછી આ બીજી વખત છે જ્યારે સરકારે ઘરેલું સિલિન્ડરના ભાવ વધાર્યા છે. આ પહેલા માર્ચ મહિનામાં સરકારે ઘરેલું સિલિન્ડરની કિંમતમાં 60 રૂપિયાનો વધારો કર્યો હતો. બીજી તરફ, સિલિન્ડરના વધેલા ભાવોને લઈને વિપક્ષના નેતાઓ સરકારને ઘેરી રહ્યા છે.