બિહારમાં વીજળી પડવાથી 9 લોકોનાં મોત:રાજસ્થાન-પંજાબમાં કરા પડ્યા, દિલ્હીમાં વાવાઝોડાનું રેડ એલર્ટ, 27 રાજ્યોમાં વરસાદની ચેતવણી

હવામાન વિભાગ (IMD)એ દિલ્હીમાં ગુરુવારે રાત્રે ઘણા વિસ્તારોમાં તેજ પવનો ફૂંકાયા બાદ વાવાઝોડા અને વીજળી પડવા માટે રેડ એલર્ટ જાહેર કર્યું છે. દિલ્હીમાં 70-90 કિમી પ્રતિ કલાકની ઝડપે પવનો અને ઘણા વિસ્તારોમાં ધૂળની ડમરીઓ પણ ઉડી શકે છે. જ્યારે, ગુજરાત સિવાયના બાકીના તમામ રાજ્યોમાં પ્રી-મોન્સૂનની અસર છે. રાજસ્થાનના અલવર, કોટપુતલી-બહરોડ, શ્રીગંગાનગરમાં ગુરુવારે વરસાદ સાથે કરા પડ્યા. જયપુરમાં હોસ્પિટલની બહાર કાર પર ઝાડ પડી ગયું. બિહારના 12 જિલ્લામાં વાવાઝોડા સાથે વરસાદ થયો. ખગડિયા, સરસા, મધેપુરામાં વીજળી પડવાથી પતિ-પત્ની સહિત 9 લોકોના મોત થયા. યુપીમાં પ્રી-મોન્સૂનમાં 52 શહેરોમાં વરસાદ થયો. આ ઉપરાંત મધ્ય પ્રદેશ, છત્તીસગઢ, ઝારખંડ, જમ્મુ-કાશ્મીર, ઉત્તરાખંડ, હિમાચલ પ્રદેશ અને પંજાબમાં પણ વરસાદ થયો. મોન્સૂને ગુરુવારે બિહારમાં પ્રવેશ કરી લીધો છે. તેલંગાણા અને આંધ્ર પ્રદેશમાં પણ તે આગળ વધ્યો છે. 4 જૂને કેરળમાં પ્રવેશ કર્યા પછી મોન્સૂન 8 દિવસમાં 17 રાજ્યો સુધી પહોંચી ચૂક્યો છે. આગામી 2-3 દિવસમાં તે ઉત્તર પ્રદેશ, છત્તીસગઢ, ઝારખંડ અને ઓડિશા પહોંચવાની સંભાવના છે. 27 રાજ્યોમાં ભારે વરસાદનું એલર્ટ આજે 22 રાજ્યોમાં ભારે વરસાદનું એલર્ટ છે. આમાં રાજસ્થાન, એમપી, યુપી, બિહાર, ઝારખંડ, છત્તીસગઢ, ઓડિશા, દિલ્હી, પંજાબ, હરિયાણા, હિમાચલ પ્રદેશ, ઉત્તરાખંડ, જમ્મુ-કાશ્મીર, તમિલનાડુ, કેરળ, કર્ણાટક, આંધ્ર પ્રદેશ, તેલંગાણા, પશ્ચિમ બંગાળ, સિક્કિમ, અરુણાચલ પ્રદેશ, આસામ, મેઘાલય, ત્રિપુરા, મિઝોરમ, મણિપુર અને નાગાલેન્ડનો સમાવેશ થાય છે. ગુજરાતને બાદ કરતાં બાકીના તમામ રાજ્યોમાં વરસાદનું યલો એલર્ટ છે. રાજ્યોમાંથી હવામાનની તસવીરો… ગરમીથી રાહત નહીં, 11 રાજ્યોમાં પારો હજુ પણ 40°C પાર વરસાદ છતાં યુપી, દિલ્હી, રાજસ્થાન, એમપી, મહારાષ્ટ્ર, ગુજરાત, પંજાબ, છત્તીસગઢ, ઓડિશા, તેલંગાણા અને હરિયાણાના ઘણા શહેરોમાં પારો 40°C થી વધુ રહ્યો. દેશમાં સૌથી વધુ પારો પંજાબના ભટિંડામાં નોંધાયો. અહીં પારો 46.2°C રહ્યો. જ્યારે રાજસ્થાનના શ્રીગંગાનગરમાં પારો 44.6°C, યુપીના ઝાંસીમાં 43.4°C, મહારાષ્ટ્રના વર્ધામાં 44.5°C અને એમપીના ખજુરાહોમાં 43°C નોંધાયો. આગામી બે દિવસના હવામાનની સ્થિતિ 13 જૂન: 14 જૂન: રાજ્યોમાંથી હવામાનના સમાચાર… 1. રાજસ્થાન: 20 જિલ્લામાં વાવાઝોડા-વરસાદનું એલર્ટ, જેસલમેરમાં પારો 46 ડિગ્રી વેસ્ટર્ન ડિસ્ટર્બન્સની અસરને કારણે શુક્રવારે પણ 20 જિલ્લામાં વાવાઝોડા-વરસાદનું ઓરેન્જ એલર્ટ છે. જોકે, ગરમીનો પ્રકોપ ઓછો થયો નથી. ચુરુ, જેસલમેર અને શ્રીગંગાનગરમાં તાપમાન 44 ડિગ્રીથી 46 ડિગ્રી વચ્ચે નોંધાયું હતું. ગુરુવારે શ્રીગંગાનગરમાં વાવાઝોડા સાથે ભારે વરસાદ થયો હતો, સાથે જ ઘણી જગ્યાએ કરા પણ પડ્યા હતા. 2. મધ્યપ્રદેશ: ભીંડ-મોરેના સહિત 6 જિલ્લામાં કરા પડવાનું એલર્ટ; ચોમાસું 4 દિવસ મોડું થવાનો અંદાજ રાજ્યમાં ગુરુવારે વાવાઝોડા-વરસાદ ઉપરાંત ભારે ગરમી પણ રહી. સિવની, દતિયા સહિત ઘણા જિલ્લાઓમાં વરસાદ થયો, પરંતુ ગ્વાલિયરમાં પારો 42 ડિગ્રી નોંધાયો. આઈએમડી (IMD) અનુસાર, રાજ્યમાં ચોમાસાની એન્ટ્રી 4 દિવસ મોડી થઈ શકે છે. હવે તેના પહોંચવાની અંદાજિત તારીખ 17-18 જૂન છે. 3. ઉત્તર પ્રદેશ: પ્રી-મોન્સૂન સક્રિય, 17 જિલ્લામાં કરા પડવા અને 65 જિલ્લામાં વાવાઝોડા-વરસાદનું એલર્ટ હવામાન વિભાગના જણાવ્યા અનુસાર, યુપીમાં પ્રી-મોન્સુન સક્રિય થઈ ગયું છે. આજે 17 જિલ્લામાં કરા પડવા અને 65 જિલ્લામાં વાવાઝોડા સાથે વરસાદનું એલર્ટ છે. જોકે, હજુ ગરમીમાંથી રાહત મળી નથી. મે મહિનાની જેમ બાંદા ફરી એકવાર સૌથી ગરમ રહ્યું. ગુરુવારે અહીં 45.4°C તાપમાન નોંધાયું હતું. 4. બિહાર: ચોમાસાનું આગમન, 24 કલાકમાં પારો 10°C સુધી ગગડ્યો; વીજળી પડવાથી 10 લોકોના મોત રાજ્યના કિશનગંજ, અરરિયા, સુપૌલ, પૂર્ણિયા, કટિહાર, મધેપુરા અને મધુબનીમાં ચોમાસું પહોંચી ગયું છે. 72 કલાકમાં તે સમગ્ર બિહારને આવરી લેશે. ગુરુવારે વીજળી પડવાથી બિહારના 5 જિલ્લામાં 10 લોકોના મોત થયા. હવામાન વિભાગે શુક્રવારે પટના, ગયા સહિત 18 જિલ્લામાં વરસાદનું ઓરેન્જ એલર્ટ જાહેર કર્યું છે.