Indiaમાં સૌથી સસ્તો મળી રહ્યો છે ઘરેલું ગેસ, 14.2 કિલોવાળા સિલિન્ડરના ભાવ વધવા પર સરકારની મોટી સ્પષ્ટતા

દેશમાં ઘરેલું ગેસ સિલિન્ડરના ભાવમાં 29 રૂપિયાનો વધારો કરવામાં આવ્યો છે. ત્રણ મહિનામાં આ બીજી વખત છે, જ્યારે 14.2 કિલોવાળા એલપીજી (LPG) સિલિન્ડરના ભાવમાં વધારો કરવામાં આવ્યો છે. આના પર હવે કેન્દ્રીય પેટ્રોલિયમ મંત્રાલયનું એક નિવેદન આવ્યું છે, જેમાં કહેવામાં આવ્યું છે કે દુનિયાના અન્ય દેશોની સરખામણીમાં ભારતમાં ઘરેલું ગેસ સૌથી સસ્તો મળી રહ્યો છે. ન્યૂઝ એજન્સી ANIના જણાવ્યા અનુસાર, પેટ્રોલિયમ અને નેચરલ ગેસ મંત્રાલયે જણાવ્યું કે, ભારતીય ઘરોમાં રસોઈ બનાવવા માટે ઉપયોગમાં લેવાતો એલપીજી ગેસ અન્ય દેશોના ઘરોની સરખામણીમાં ઘણો સસ્તો છે. તેમણે જણાવ્યું કે અમેરિકા, ઓસ્ટ્રેલિયા અને કેનેડા જેવા વિકસિત દેશોમાં ચૂકવવામાં આવતી રકમ કરતાં આ કિંમત ઘણી ઓછી છે. સામાન્ય ગ્રાહકે હવે કેટલા પૈસા ચૂકવવા પડશે? મંત્રાલયે જણાવ્યું કે પ્રધાનમંત્રી ઉજ્જવલા યોજના (PMUY) હેઠળ લાભાર્થીઓએ ઘરેલું ગેસ સિલિન્ડર માટે 642 રૂપિયાની ચૂકવણી કરવી પડે છે. જ્યારે દિલ્હીમાં સામાન્ય ગ્રાહકે 942 રૂપિયા ચૂકવવા પડે છે, જ્યારે સપ્લાયની પડતર કિંમત વધીને 1600 રૂપિયાથી વધુ થઈ ગઈ છે. મિડલ ઈસ્ટ સંકટના કારણે સતત પડતર કિંમતમાં થઈ રહેલા વધારાને ધ્યાનમાં રાખીને, ઘરેલું એલપીજીની કિંમતોમાં રવિવારથી 29 રૂપિયાનો વધારો કરી દેવામાં આવ્યો છે. LPG પર સરકારની મોટી જાહેરાત પેટ્રોલિયમ મંત્રાલયે જણાવ્યું કે ભારતમાં પેટ્રોલિયમ ઉત્પાદનોની કિંમતો આંતરરાષ્ટ્રીય બજારમાં તેની સંબંધિત કિંમતો સાથે જોડાયેલી છે. જો કે સરકાર ઘરેલું એલપીજી માટે ગ્રાહકોને મળતી અસરકારક કિંમતને નિયંત્રિત કરવાનું ચાલુ રાખે છે. મંત્રાલયે આગળ એવું પણ કહ્યું કે કોઈ પણ પરિવાર 942 રૂપિયામાં પોતાની જરૂરિયાત મુજબ જેટલા ઈચ્છે તેટલા સિલિન્ડર લઈ શકે છે. પીએમયુવાય લાભાર્થીને પહેલા ચાર રિફિલ પર પ્રતિ સિલિન્ડર 300 રૂપિયાની વધારાની સબસિડીનો લાભ મળશે. આંતરરાષ્ટ્રીય બજાર કિંમત કરતાં 700 રૂપિયા ઓછી છે કિંમત- મંત્રાલય આગળ કહેવામાં આવ્યું કે પીએમયુવાય યોજનાની બહારના પરિવારોએ પણ સિલિન્ડરની બજાર કિંમત કરતાં 700 રૂપિયા ઓછી ચૂકવણી કરવી પડશે. વિજ્ઞપ્તિમાં કહેવામાં આવ્યું છે, ઘરેલું વર્ગને પ્રતિ સિલિન્ડર સેંકડો રૂપિયાની તે ભારે કિંમતનો બોજ ઉઠાવવો પડતો નથી, જે સરકાર ભોગવી રહી છે. આંતરરાષ્ટ્રીય સ્તરે કિંમત વધવા પર આ બોજ ગ્રાહક પર નાખવાના બદલે, ઉત્પાદન પ્રક્રિયા શરૂ થતાં પહેલાં જ સરકાર દ્વારા વહન કરી લેવામાં આવ્યો છે. પાકિસ્તાન, બાંગ્લાદેશ અને અમેરિકામાં કેટલી છે કિંમતો? ભારતમાં 14.2 કિલોના ગેસ સિલિન્ડરની કિંમત 942 રૂપિયા અને ઉજ્જવલા યોજનાવાળા સિલિન્ડરની કિંમત 642 રૂપિયા છે. પાકિસ્તાનમાં 14.2 કિલોના સિલિન્ડરની કિંમત 1046 રૂપિયા, શ્રીલંકામાં 1241 રૂપિયા, બાંગ્લાદેશમાં કિંમત આશરે 1225 રૂપિયા, અમેરિકામાં કિંમત આશરે 1755 રૂપિયા, ઓસ્ટ્રેલિયામાં 1765 રૂપિયા અને કેનેડામાં આશરે 2411 રૂપિયા છે. આ પણ વાંચો-કોણે કરી હતી બાઇકની શોધ? ભારતની ધરતી પર પહેલીવાર ક્યારે આવી હતી?