Old smartphone ફેંકશો નહીં, ગૂગલ બનાવશે હવે તેનું ડેટા સેન્ટર! તમને મળશે.....

આપણે સામાન્ય રીતે સ્માર્ટફોનનો ઉપયોગ 2 થી 5 વર્ષ સુધી કરીએ છીએ, ત્યારબાદ તે કાં તો કબાટમાં પડી રહે છે અથવા ઈ-કચરા તરીકે ફેંકી દેવાય છે. પરંતુ ગૂગલે આ સમસ્યાનો એક અનોખો અને ક્રાંતિકારી ઉકેલ શોધ્યો છે. કંપની હવે જૂના સ્માર્ટફોનને ડેટા સેન્ટરમાં રૂપાંતરિત કરવાની તૈયારી કરી રહી છે, જે પર્યાવરણ અને ટેકનોલોજી બંને ક્ષેત્રે મહત્વની સિદ્ધિ બની શકે છે.જૂના સ્માર્ટફોનનું બનશે ડેટા સેન્ટરયુનિવર્સિટી ઓફ કેલિફોર્નિયા, સાન ડિએગો સાથે મળીને ગૂગલ "ફોન ક્લસ્ટર કમ્પ્યુટિંગ" નામના પ્રોજેક્ટ પર કામ કરી રહ્યું છે. આ પ્રક્રિયામાં જૂના સ્માર્ટફોનના ડિસ્પ્લે, બેટરી, કેમેરા અને અન્ય બાહ્ય ભાગોને દૂર કરવામાં આવે છે, જેનાથી માત્ર મધરબોર્ડ, પ્રોસેસર અને મેમરી બાકી રહે છે. ત્યારબાદ, આ ઘટકોને Linux-આધારિત સિસ્ટમ સાથે જોડીને એક નાનું કમ્પ્યુટિંગ નેટવર્ક તૈયાર કરવામાં આવે છે. ગૂગલના મતે, 25 થી 50 જૂના ફોન મળીને આધુનિક સર્વર જેવી જ ક્ષમતા પ્રદાન કરી શકે છે.પહેલનો સૌથી મોટો ફાયદો ઈ-કચરો ઘટાડવાનોઆ પહેલનો સૌથી મોટો ફાયદો ઈ-કચરો ઘટાડવાનો છે. જો હજારો જૂના ફોનને એકસાથે જોડવામાં આવે, તો તેઓ ક્લાઉડ સેવાઓ અને જટિલ સંશોધન પ્રોજેક્ટ્સને હેન્ડલ કરવા માટે સક્ષમ બની શકે છે. કુબર્નેટ્સ જેવા સોફ્ટવેર પ્લેટફોર્મનો ઉપયોગ કરીને આ ફોન ક્લસ્ટરને સંચાલિત કરવામાં આવે છે, જે મોટા ડેટા સેન્ટરો ચલાવવા માટે વપરાતી ટેકનોલોજી છે. આનાથી નવા સર્વર હાર્ડવેર બનાવવાની જરૂરિયાત ઘટશે અને કંપનીઓ પર્યાવરણને નુકસાન પહોંચાડ્યા વગર પોતાની કમ્પ્યુટિંગ ક્ષમતા વધારી શકશે.2000 ગૂગલ પિક્સેલ સ્માર્ટફોનનું વિશાળ કલસ્ટર બનશેઆ પ્રોજેક્ટનો આગામી લક્ષ્યાંક 2000 ગૂગલ પિક્સેલ સ્માર્ટફોનનું એક વિશાળ ક્લસ્ટર બનાવવાનો છે. સંશોધકો આ ક્લસ્ટરનો ઉપયોગ સમાંતર કમ્પ્યુટિંગ અને પ્રોગ્રામિંગના શિક્ષણ માટે કરવા માંગે છે. જો આ પ્રયોગ સફળ રહે છે, તો ભવિષ્યમાં જૂના સ્માર્ટફોન કચરાપેટીમાં જવાને બદલે શક્તિશાળી ડેટા સેન્ટરનો ભાગ બનશે. આ ગ્રીન ટેકનોલોજી માત્ર ઈ-કચરાની સમસ્યા જ નહીં ઉકેલે, પરંતુ કમ્પ્યુટિંગ ઇન્ફ્રાસ્ટ્રક્ચર બનાવવાના ખર્ચમાં પણ મોટો ઘટાડો કરશે. આ રીતે ગૂગલ ટેકનોલોજી અને ટકાઉ વિકાસ (Sustainability) વચ્ચેનો સેતુ બાંધી રહ્યું છે.આ પણ વાંચોઃ Europe: શું આવશે હિમયુગ? પૃથ્વીના સમુદ્રી એન્જિનમાં આવતી ખામી માનવજાત માટે ખતરો!