T20 વર્લ્ડ કપ: ભારતે પાંચમી વિકેટ ગુમાવી:સ્મૃતિ 44 બોલમાં 68 રન ફટકારીને આઉટ, ફૂલમાળી પછી હરમનપ્રીત પણ પેવેલિયન પરત ફરી; ઈન્ડિયાનો સ્કોર 132/5

વુમન્સ T20 વર્લ્ડ કપમાં આજે ભારત અને પાકિસ્તાન વચ્ચે મેચ બર્મિંગહામના એજબેસ્ટન સ્ટેડિયમમાં રમાઈ રહી છે. જેમાં ભારતની કેપ્ટન હરમનપ્રીત કૌરે ટૉસ જીતીને બેટિંગ લીધી છે. ટીમ ઈન્ડિયાનો સ્કોર 18 ઓવરમાં 132/5 છે. ટીમ તરફથી રિચા ઘોષ અને દીપ્તિ શર્મા ક્રિઝ પર છે. પહેલગામ એટેક પછી ચોથી વખત હાથ ન મિલાવ્યા ભારત અને પાકિસ્તાન વચ્ચેની ક્રિકેટ મેચમાં 'નો-હેન્ડશેક' (હાથ ન મિલાવવાનો સિલસિલો) ચાલુ છે. પહેલગામ આતંકી હુમલા અને બંને દેશો વચ્ચે વધેલા તણાવ બાદ ભારતીય મેન્સ અને વુમન્સ ટીમે પાકિસ્તાન સામેની મેચમાં હાથ ન મિલાવવાનો નિર્ણય કર્યો હતો. આની શરૂઆત સપ્ટેમ્બર 2025ના એશિયા કપથી થઈ હતી, જ્યારે સૂર્યકુમાર યાદવની કેપ્ટનશીપમાં ભારતીય ટીમે જીત બાદ પાકિસ્તાની ખેલાડીઓ સાથે હાથ મિલાવ્યા નહોતા. ત્યારબાદ ફેબ્રુઆરી 2026ના મેન્સ T20 વર્લ્ડ કપ અને ઓક્ટોબર 2025ના મહિલા વન-ડે વર્લ્ડ કપમાં પણ આ પરંપરા ચાલુ રહી. હવે બર્મિંગહામમાં રમાઈ રહેલી મહિલા T20 વર્લ્ડ કપ મેચમાં હરમનપ્રીત કૌર અને પાકિસ્તાનના કેપ્ટન ફાતિમા સના ટૉસ માટે આમને-સામને તો આવ્યા, પરંતુ બંનેએ હેન્ડશેક કર્યા નહીં. બન્ને ટીમની પ્લેઇંગ-11 ભારત (IND): સ્મૃતિ મંધાના, શેફાલી વર્મા, જેમિમાહ રોડ્રિગ્સ, હરમનપ્રીત કૌર (કેપ્ટન), ભારતી ફુલમાળી, રિચા ઘોષ (વિકેટકીપર), દીપ્તિ શર્મા, અરુંધતિ રેડ્ડી, શ્રેયંકા પાટિલ, શ્રી ચરણી, ક્રાંતિ ગૌડ. પાકિસ્તાન (PAK): મુનીબા અલી (વિકેટકીપર), ગુલ ફિરોઝા, આયશા ઝફર, આલિયા રિયાઝ, સાયરા જબીન, નતાલિયા પરવેઝ, ફાતિમા સના (કેપ્ટન), રામીન શમીમ, નશરા સંધુ, તસ્મિયા રુબાબ, સાદિયા ઇકબાલ.