Weather Update: કેરળથી આગળ વધ્યુ ચોમાસું, હવામાનને લઇને IMDની જાણીલો આગાહી

કેરળમાં ચોમાસાએ દસ્તક આપી દીધી છે અને હવે તે આગળના રાજ્યો તરફ વધી રહ્યું છે. આ દરમિયાન ભારતીય હવામાન વિભાગ (IMD) એ ચોમાસાને લઈને તાજું અપડેટ જાહેર કર્યું છે. IMD મુજબ, દિલ્હી-એનસીઆરમાં 25 થી 30 જૂન વચ્ચે ચોમાસું પહોંચવાની શક્યતા છે, જ્યારે ઉત્તર પ્રદેશમાં તે 20 થી 25 જૂન વચ્ચે આવી શકે છે.નોઇડા, ગુરુગ્રામ અને ગાઝિયાબાદમાં થશે ઝરમર વરસાદ ચોમાસું આવ્યા બાદ જ દિલ્હી-એનસીઆર અને ઉત્તર પ્રદેશના લોકોને ભારે ગરમીમાંથી રાહત મળી શકે છે. IMD એ જણાવ્યું છે કે દક્ષિણ-પશ્ચિમ ચોમાસાના પ્રભાવથી નોઇડા, ગુરુગ્રામ અને ગાઝિયાબાદ સહિત એનસીઆરના આસપાસના શહેરોમાં 25 થી 30 જૂન દરમિયાન વરસાદની શક્યતા છે. હરિયાણા, પંજાબ અને ચંડીગઢમાં પણ પહોંચશે ચોમાસું ચોમાસાના પૂર્વાનુમાન મુજબ, તે ઉત્તર-પશ્ચિમ દિશામાં આગળ વધીને હરિયાણા, પંજાબ અને ચંડીગઢના કેટલાક વિસ્તારોમાં પહોંચશે. સાથે જ હિમાચલ પ્રદેશ, જમ્મુ-કાશ્મીર અને લદ્દાખમાં પણ દિલ્હી-એનસીઆર સાથે જ આંશિક વરસાદ થઈ શકે છે. ગયા વર્ષે 29 જૂને દિલ્હી પહોંચ્યું હતું ચોમાસું ગયા વર્ષે દક્ષિણ-પશ્ચિમ ચોમાસું 29 જૂને દિલ્હીમાં પહોંચ્યું હતું, જે 1961-2019ના સરેરાશ મુજબની સામાન્ય તારીખ 27 જૂન કરતાં બે દિવસ મોડું હતું. આ વર્ષે દિલ્હી-એનસીઆરમાં ચોમાસું સમયસર પહોંચવાની શક્યતા વ્યક્ત કરવામાં આવી રહી છે. કેરળથી આગળ વધીને ગોવા અને મહારાષ્ટ્ર પહોંચ્યું ચોમાસું આ વર્ષે કેરળમાં ચોમાસું 4 જૂને પહોંચ્યું હતું, જે તેની સામાન્ય શરૂઆતની તારીખ 1 જૂન કરતાં ત્રણ દિવસ મોડું અને IMD દ્વારા 26 મેના રોજ કરવામાં આવેલા પૂર્વાનુમાન કરતાં લગભગ એક અઠવાડિયું પાછળ હતું. જોકે, ત્યારબાદ તે ઝડપથી આગળ વધ્યું અને 5 જૂન સુધી પશ્ચિમ કિનારાના મોટા ભાગને આવરી લેતાં ગોવા સુધી પહોંચી ગયું. ત્યારબાદ 6 જૂને તેણે મહારાષ્ટ્રમાં પ્રવેશ કર્યો.