12 વર્ષોમાં NDA એ એક સ્થિર સરકાર આપી છે - પીએમ મોદી

PM Modi Longest-Serving PM : પીએમ નરેન્દ્ર મોદીના નેતૃત્વ હેઠળની સરકારના કેન્દ્રમાં 12 વર્ષ પૂર્ણ થવા અને ભારતના સૌથી લાંબા સમય સુધી ચૂંટાયેલા સરકારના વડા તરીકેની તેમની સિદ્ધિની ઉજવણી કરવા માટે આજે નવી દિલ્હીમાં નેશનલ ડેમોક્રેટિક એલાયન્સ (NDA) ની એક મોટી બેઠક યોજાઈ રહી છે. ભારત મંડપમ ખાતે યોજાનારી આ બેઠકમાં ભાજપના ટોચના નેતાઓ, NDA સાથી પક્ષોના નેતાઓ, મુખ્યમંત્રી, નાયબ મુખ્યમંત્રી અને ગઠબંધનના સીનિયર પદાધિકારીઓ ભાગ લઈ રહ્યા છે. આ NDA ની બેઠક એવા સમયે થઈ રહી છે જ્યારે વડા પ્રધાન નરેન્દ્ર મોદીએ એક મહત્વપૂર્ણ રાજકીય સીમાચિહ્ન હાંસલ કર્યું છે. 1952માં પહેલી સામાન્ય ચૂંટણી પછી ચૂંટાયેલા સરકારના વડા તરીકે સૌથી લાંબા કાર્યકાળનો રેકોર્ડ બનાવ્યો છે. તેમણે ભારતના પ્રથમ વડા પ્રધાન જવાહરલાલ નેહરુને પાછળ છોડી દીધા છે.  12 વર્ષોમાં NDA એ એક સ્થિર સરકાર આપી છે - પીએમ મોદી વડાપ્રધાન નરેન્દ્ર મોદીએ સોશિયલ મીડિયા પોસ્ટમાં કહ્યું કે હું NDA ના મુખ્યમંત્રીઓ અને નેતાઓને તેમની શુભકામનાઓ બદલ આભાર માનું છું. NDA ની યાત્રા રાષ્ટ્રીય હિતોને આગળ વધારવા અને પ્રાદેશિક આકાંક્ષાઓને પૂર્ણ કરવાના સહિયારા સંકલ્પથી નક્કી થઇ છે. આ ભાવનાએ આપણી લોકશાહીને મજબૂત બનાવી છે, સહકારી સંઘવાદને વધુ ગાઢ બનાવ્યો છે અને વિકાસની ગતિને વેગ આપ્યો છે. તેમણે વધુમાં જણાવ્યું હતું કે છેલ્લા 12 વર્ષોમાં, NDA એ એક સ્થિર સરકાર આપી છે, જેણે તમામ ક્ષેત્રોમાં પ્રગતિને આગળ વધારી છે. આપણે રાષ્ટ્રની સેવા કરવા અને 'વિકસિત ભારત' ના વિઝન માટે નવા જોશ સાથે મળીને કામ કરવાનું ચાલુ રાખીશું.