મેમાં 13.60 કરોડ સાથે ઈ-વે બિલ જનરેટ થવાનો અત્યાર સુધીનો ચોથો મોટો આંક

મુંબઈ : દેશમાં આર્થિક પ્રવૃત્તિનું માપદંડ પૂરુ પાડતા ઈ-વે બિલ જનરેટ થવાની માત્રા મેમાં વાર્ષિક ધોરણે ૧૧ ટકા વધી ૧૩.૬૦ કરોડ રહી હતી. જ્યારથી ગુડસ એન્ડ સર્વિસીઝ ટેકસ (જીએસટી) વ્યવસ્થા અમલમાં મુકાઈ છે ત્યારથી ઈ-વે બિલની મેની માત્રા અત્યારસુધીની ચોથી મોટી હોવાનું જીએસટી પોર્ટલ પરથી કહી શકાય છે. ગયા વર્ષના મેમાં ઈ-વે બિલની સંખ્યા ૧૨.૨૬ કરોડ રહી હતી.