સુદર્શન હિટ વિકેટ, હાથમાંથી બેટ છૂટ્યું અને સ્ટમ્પ સાથે અથડાયું:255 રનના ચેઝમાં ગુજરાતના બન્ને ઓપનર્સ પેવેલિયન ભેગા થયા; સાઈ પછી કેપ્ટન ગિલ પણ આઉટ થયો

IPL 2026ના ક્વોલિફાયર-1માં રોયલ ચેલેન્જર્સ બેંગલુરુ (RCB)એ ગુજરાત ટાઇટન્સ (GT)ને 255 રનનો ટાર્ગેટ આપ્યો છે. ગુજરાતે ધર્મશાલામાં ટૉસ જીતીને પહેલા બોલિંગ કરવાનો નિર્ણય કર્યો હતો. જવાબમાં ગુજરાતનો સ્કોર 3.1 ઓવરમાં 27/2 છે. ટીમ તરફથી જોસ બટલર ક્રિઝ પર છે. બેંગલુરુએ 20 ઓવરમાં 5 વિકેટ ગુમાવીને 254 રન બનાવ્યા છે. આ પ્લેઑફ/નોકઆઉટ ઇતિહાસનો સૌથી મોટો સ્કોર છે. આ પહેલાં આ રેકોર્ડ ગુજરાતના નામે હતો, જેમણે 2023માં મુંબઈ ઈન્ડિયન્સ સામે 233/3 રન બનાવ્યા હતા. કેપ્ટન રજતે 93 રન બનાવ્યા બેંગલુરુના કેપ્ટને માત્ર 33 બોલમાં અણનમ 93 રન ફટકાર્યા, જેમાં 5 ચોગ્ગા અને 9 સિક્સર સામેલ હતી. શરૂઆતમાં વેંકટેશ અય્યરે 7 બોલમાં 19 રનની તોફાની ઇનિંગ્સ રમી, જ્યારે વિરાટ કોહલીએ 25 બોલમાં 43 અને કૃણાલ પંડ્યાએ 28 બોલમાં 43 રન બનાવ્યા. અંતમાં જીતેશ શર્માએ 5 બોલમાં 15 રન ઉમેરીને ટીમને 250ને પાર પહોંચાડી દીધી. ગુજરાત તરફથી કાગીસો રબાડા અને જેસન હોલ્ડરે 2-2 વિકેટ ઝડપી. બન્ને ટીમની પ્લેઇંગ-11 રોયલ ચેલેન્જર્સ બેંગલુરુ (RCB): વેંકટેશ અય્યર, વિરાટ કોહલી, દેવદત્ત પડિકલ, રજત પાટીદાર (કેપ્ટન), જીતેશ શર્મા (વિકેટકીપર), ટિમ ડેવિડ, કૃણાલ પંડ્યા, ભુવનેશ્વર કુમાર, જેકબ ડફી, જોશ હેઝલવુડ, રાસિખ સલામ ડાર. ઇમ્પેક્ટ ઓપ્શન્સ: રોમારિયો શેફર્ડ, સુયશ શર્મા, કનિષ્ક ચૌહાણ, અભિનંદન સિંહ, જોર્ડન કોક્સ. ગુજરાત ટાઇટન્સ (GT): સાઈ સુદર્શન, શુભમન ગિલ (કેપ્ટન), જોસ બટલર (વિકેટકીપર), વોશિંગ્ટન સુંદર, નિશાંત સિંધુ, જેસન હોલ્ડર, રાશિદ ખાન, કુલવંત ખેજરોલિયા, કાગીસો રબાડા, મોહમ્મદ સિરાજ અને પ્રસિદ્ધ ક્રિષ્ના. ઇમ્પેક્ટ પ્લેયર: રાહુલ તેવટિયા.