ટીમ ઈન્ડિયા પાકિસ્તાન સામે જીતથી 3 વિકેટ દૂર:શ્રી ચરણીએ પોતાની ત્રીજી વિકેટ ઝડપી, શ્રેયંકાનો જોરદાર ડાઇવિંગ કેચ; PAKનો સ્કોર 92/7

વુમન્સ T20 વર્લ્ડ કપમાં ભારતે પાકિસ્તાનને 171 રનનો ટાર્ગેટ આપ્યો છે. બર્મિંગહામના એજબેસ્ટનમાં ભારતે ટૉસ જીતીને બેટિંગ કરતા 20 ઓવરમાં 6 વિકેટ ગુમાવીને 170 રન બનાવ્યા છે. જવાબમાં પાકિસ્તાનનો સ્કોર 15 ઓવરમાં 92/7 છે. ટીમ તરફથી આલિયા રઝા અને નશરા સંધુ ક્રિઝ પર છે. ભારત તરફથી સ્મૃતિ મંધાનાએ ફિફ્ટી ફટકારી. તેણે 44 બોલમાં 68 રન બનાવ્યા, જેમાં 9 ચોગ્ગા અને 2 સિક્સર પણ સામેલ છે. કેપ્ટન હરમનપ્રીત કૌરે 36 રનની ઇનિંગ્સ રમી. રિચા ઘોષે 17 બોલમાં 34 રન બનાવ્યા. પાકિસ્તાન તરફથી સાદિયા ઇકબાલ અને ફાતિમા સનાએ 2-2 વિકેટ લીધી. તસ્મિયા રુબાબ અને રામીન શમીમને 1-1 વિકેટ મળી. આ મેચમાં પણ ટૉસ દરમિયાન ભારત અને પાકિસ્તાનના કેપ્ટનોએ હાથ મિલાવ્યા નહોતા. પહેલગામ આતંકી હુમલા બાદ બંને દેશો વચ્ચે નો-હેન્ડશેક (હાથ ન મિલાવવાનો સિલસિલો) ચાલુ છે. આવું ચોથી વખત બન્યું છે. બન્ને ટીમની પ્લેઇંગ-11 ભારત (IND): સ્મૃતિ મંધાના, શેફાલી વર્મા, જેમિમાહ રોડ્રિગ્સ, હરમનપ્રીત કૌર (કેપ્ટન), ભારતી ફુલમાળી, રિચા ઘોષ (વિકેટકીપર), દીપ્તિ શર્મા, અરુંધતિ રેડ્ડી, શ્રેયંકા પાટિલ, શ્રી ચરણી, ક્રાંતિ ગૌડ. પાકિસ્તાન (PAK): મુનીબા અલી (વિકેટકીપર), ગુલ ફિરોઝા, આયશા ઝફર, આલિયા રિયાઝ, સાયરા જબીન, નતાલિયા પરવેઝ, ફાતિમા સના (કેપ્ટન), રામીન શમીમ, નશરા સંધુ, તસ્મિયા રુબાબ, સાદિયા ઇકબાલ.