પાકિસ્તાનમાં પેટ્રોલ 4 અને ડીઝલ 2 રૂપિયા સસ્તું થયું:પેટ્રોલ 373.78 અને હાઈ-સ્પીડ ડીઝલ 378.78 રૂપિયા પ્રતિ લિટર થયું, કિંમતો આજથી લાગુ

પાકિસ્તાન સરકારે પેટ્રોલની કિંમતમાં 4 રૂપિયા અને હાઈ સ્પીડ ડીઝલ (HSD)ના ભાવમાં 2 રૂપિયાનો ઘટાડો કર્યો છે. તેનાથી અહીં એક લિટર પેટ્રોલની કિંમત 373.78 રૂપિયા (પાકિસ્તાની રૂપિયા) અને ડીઝલની કિંમત 378.78 રૂપિયા પ્રતિ લિટર પર આવી ગઈ છે. નવી કિંમતો આજથી એટલે કે 13 જૂનથી લાગુ થઈ ગઈ છે. ભારત અને પાકિસ્તાનમાં પેટ્રોલ-ડીઝલની કિંમતો નોંધ: ₹- ભારતીય રૂપિયો, પાકિસ્તાનમાં ભારતીય રૂપિયાની વેલ્યુ 2.93 છે. પાંચ અઠવાડિયામાં કુલ 41 રૂપિયા પ્રતિ લિટર ભાવ ઘટ્યા પાંચ અઠવાડિયામાં પેટ્રોલની કિંમત કુલ મળીને 41 રૂપિયા પ્રતિ લિટર ઘટી ગઈ છે. આ પહેલા એટલે કે ગયા અઠવાડિયે પણ સરકારે પેટ્રોલની કિંમતોમાં 4 રૂપિયા પ્રતિ લિટરનો ઘટાડો કર્યો હતો, જોકે તે સમયે હાઈ-સ્પીડ ડીઝલ (HSD)ના ભાવમાં કોઈ ફેરફાર કરવામાં આવ્યો ન હતો અને તે 380.78 રૂપિયા પર સ્થિર હતો. ઈંધણની કિંમતો પર ટેક્સનો ભારે બોજ પાકિસ્તાન સરકાર પેટ્રોલ પર કુલ 125 રૂપિયા પ્રતિ લિટરનો ટેક્સ વસૂલી રહી છે. આ ટેક્સમાં પેટ્રોલિયમ લેવી, કસ્ટમ ડ્યુટી અને ક્લાઈમેટ લેવી જેવી બાબતોનો સમાવેશ થાય છે. જ્યારે હાઈ-સ્પીડ ડીઝલ (HSD)ની વાત કરીએ તો તેના પર સરકાર પ્રતિ લિટર આશરે 100 રૂપિયાનો ટેક્સ વસૂલી રહી છે. તેમાં કસ્ટમ ડ્યુટી, પેટ્રોલિયમ લેવી અને ક્લાઈમેટ સપોર્ટ લેવીની સાથે-સાથે ઇનલેન્ડ ફ્રેડ ઇક્વલાઇઝેશન માર્જિન (IFEM) પણ સામેલ છે. દર અઠવાડિયે શુક્રવાર રાત્રે નક્કી થઈ રહ્યા છે ભાવ પાકિસ્તાન સરકાર છેલ્લા કેટલાક સમયથી દર અઠવાડિયે શુક્રવારે રાત્રે પેટ્રોલિયમ કિંમતોની સમીક્ષા કરી રહી છે. હકીકતમાં, 28 ફેબ્રુઆરીથી અમેરિકા અને ઈરાન વચ્ચે શરૂ થયેલા યુદ્ધ (જે હાલમાં અટક્યું છે) પછીથી જ પાકિસ્તાનમાં ઇંધણ સંકટ છે.