યુપી-એમપીમાં વાવાઝોડાથી 500 વૃક્ષો પડી ગયા:હરિયાણામાં ક્રેન પલટી, 3 મોત; રાજસ્થાનમાં કરા પડ્યા, આજે 25 રાજ્યોમાં વરસાદનું એલર્ટ

દેશના 11 રાજ્યોમાં ગુરુવારે વાવાઝોડા સાથે વરસાદ થયો. મધ્યપ્રદેશના ભોપાલમાં 70 કિમી પ્રતિ કલાકની ઝડપે વાવાઝોડું આવ્યું. લગભગ 80થી વધુ વૃક્ષો ધરાશાયી થયા. યુપીના 12 શહેરોમાં વરસાદ થયો. નોઈડામાં ભારે પવનોને કારણે 400 વૃક્ષો પડી ગયા. હરિયાણાના ફરીદાબાદ જિલ્લામાં ફ્લાયઓવર નિર્માણ કાર્યમાં લાગેલી ક્રેન કન્ટેનર પર પલટી ગઈ. જેમાં 3 મજૂરોના મોત થયા. જ્યારે બિહારના ભાગલપુરમાં વીજળી પડવાથી માતા-પુત્રીના મોત થયા. રાજસ્થાનના જયપુરમાં દિલ્હીથી 4 ફ્લાઇટ્સ ડાયવર્ટ કરવી પડી. શ્રીગંગાનગરમાં કરા પડ્યા. દિલ્હી-એનસીઆરમાં પણ ખરાબ હવામાનને કારણે 11 ફ્લાઇટ્સને ડાયવર્ટ કરવી પડી. રાજ્યોમાંથી હવામાનની તસવીરો… ત્રણ દિવસના વિલંબથી કેરળમાં ચોમાસાનું આગમન થયું ચોમાસાએ ગુરુવારે દેશમાં એન્ટ્રી કરી દીધી છે. આ સાથે જ ચાર મહિના (જૂનથી સપ્ટેમ્બર)ના વરસાદની મોસમની શરૂઆત થઈ ગઈ છે, જેનાથી ભીષણ ગરમી અને લૂથી રાહત મળવાની આશા છે. ચોમાસું કેરળની સાથે જ તમિલનાડુ અને કર્ણાટકના કેટલાક ભાગો સુધી પણ પહોંચી ગયું છે. આગામી ત્રણથી ચાર દિવસમાં કર્ણાટક અને તમિલનાડુના બાકીના ભાગોમાં આગળ વધવાની સાથે જ તેના ગોવા, મહારાષ્ટ્ર અને આંધ્ર પ્રદેશના કેટલાક ભાગો સુધી પહોંચવા માટે પણ અનુકૂળ પરિસ્થિતિઓ બની રહી છે. ચોમાસું સામાન્ય રીતે 1 જૂને કેરળ પહોંચે છે. ત્યારબાદ લગભગ દોઢ મહિનામાં આખા દેશને આવરી લે છે. ચોમાસાની વિદાય સામાન્ય રીતે 17 સપ્ટેમ્બરની આસપાસ રાજસ્થાનથી શરૂ થાય છે અને 15 ઓક્ટોબર સુધીમાં પૂરી થઈ જાય છે. આગામી બે દિવસના હવામાનની સ્થિતિ 6 જૂન: 7 જૂન: રાજ્યોમાં હવામાનની સ્થિતિ… 1. મધ્યપ્રદેશ: ભોપાલમાં વાવાઝોડા-વરસાદથી 80 વૃક્ષો ધરાશાયી, 45 જિલ્લામાં આજે પણ એલર્ટ મધ્યપ્રદેશમાં પ્રી-મોન્સૂનના કારણે છેલ્લા બે દિવસથી રાજ્યના અડધા ભાગમાં ભારે પવન અને વરસાદનો દોર ચાલી રહ્યો છે. ભોપાલમાં ગુરુવારે સાંજે લગભગ 70 કિમી પ્રતિ કલાકની ઝડપે પવન ફૂંકાયો અને વરસાદ થયો. લગભગ 80 વૃક્ષો પડી થયા. શુક્રવારે ભોપાલ, ઇન્દોર સહિત લગભગ 45 જિલ્લાઓમાં વરસાદનું એલર્ટ છે. 2. રાજસ્થાન: જયપુરમાં રાતભર વરસાદ, ભરતપુરમાં વાવાઝોડાથી એકનું મોત; આજે 22 જિલ્લામાં એલર્ટ રાજસ્થાનમાં ચોમાસું જુલાઈના પહેલા અઠવાડિયામાં પહોંચશે. તે પહેલા રાજ્યમાં પ્રી-મોન્સૂનની શરૂઆત થઈ ગઈ. જયપુરમાં ગુરુવારે રાત્રે છૂટોછવાયો વરસાદ થતો રહ્યો. ભરતપુરમાં વાવાઝોડાને કારણે એક ઘરની દીવાલ ધરાશાયી થઈ ગઈ. એક મહિલાનું મોત થયું. રાજ્યના 22 જિલ્લામાં આજે વરસાદનું એલર્ટ છે. 3. ઉત્તર પ્રદેશ: લખનઉ-આગ્રા સહિત 5 શહેરોમાં વરસાદ, 38 જિલ્લાઓમાં એલર્ટ આજે યુપીના 38 જિલ્લાઓમાં વાવાઝોડા અને વરસાદનું એલર્ટ છે. તેમાંથી 21 જિલ્લાઓમાં ઓરેન્જ અને 17માં યલો એલર્ટ છે. લખનઉ-આગ્રા સહિત 5 શહેરોમાં શુક્રવારે સવારથી વરસાદ થયો. ચોમાસું 18 જૂન સુધી ગોરખપુરના રસ્તે રાજ્યમાં પ્રવેશ કરશે. તે 22 જૂન સુધીમાં લખનઉ પહોંચી શકે છે. 4. બિહાર: આજે 12 જિલ્લામાં વરસાદનું યલો એલર્ટ, 26 જિલ્લામાં હીટવેવની ચેતવણી બિહારના પટના, ગયા, નાલંદા, જહાનાબાદ, નવાદા, લખીસરાય અને બેગુસરાયમાં હીટવેવનું એલર્ટ જાહેર કરવામાં આવ્યું છે. અહીં તાપમાન 40 થી 42 ડિગ્રીની વચ્ચે રહેશે. જ્યારે ચંપારણ, સીતામઢી, અરરિયા સહિત 12 જિલ્લામાં આજે વરસાદનું યલો એલર્ટ છે. 5. હરિયાણા: 16 જિલ્લામાં વાવાઝોડા-વરસાદનું એલર્ટ, 40-50kmphની ઝડપે પવનો ફૂંકાશે હરિયાણાના 16 જિલ્લામાં ગાજવીજ સાથે તેજ પવનો ફૂંકાવાની અને વરસાદ થવાની સંભાવના છે. 40-50 કિમી પ્રતિ કલાકની ઝડપે પવનો ફૂંકાશે. હવામાન વિભાગે લોકોને સાવચેત રહેવાની સલાહ આપી છે. આગામી 2 થી 3 દિવસ આવું જ હવામાન રહેશે. 6. ઉત્તરાખંડ: તમામ જિલ્લાઓમાં વરસાદની સંભાવના, દેહરાદૂનમાં ચાલતી ગાડીઓ પર વૃક્ષો પડ્યા ઉત્તરાખંડના તમામ જિલ્લાઓમાં આજે વરસાદની સંભાવના છે. 7 જિલ્લાઓ માટે ઓરેન્જ એલર્ટ જાહેર કરવામાં આવ્યું છે. આમાં દેહરાદૂન, ટિહરી, પૌડી, નૈનીતાલ, બાગેશ્વર, પિથોરાગઢ અને ચંપાવતનો સમાવેશ થાય છે. દેહરાદૂનમાં ચાલતી ગાડીઓ પર વૃક્ષો પડ્યા.