ભારતીય ઇનિંગ્સ 564/8 પર ડિક્લેર, અફઘાનિસ્તાન 98/4:પ્રસિદ્ધને બીજી વિકેટ, શાહિદીને આઉટ કર્યો; માનવ સુથારને પણ બે વિકેટ

ન્યૂ ચંદીગઢમાં અફઘાનિસ્તાન સામે રમાઈ રહેલી ટેસ્ટ મેચમાં ભારતીય ટીમ સંપૂર્ણપણે હાવી થઈ ગઈ છે. ભારતે રવિવારે બીજા સેશનમાં 8 વિકેટે 564 રન બનાવીને પ્રથમ દાવ ડિક્લેર કર્યો હતો. ગિલ અને રાહુલની સદી, 3 બેટ્સમેનોએ ફિફ્ટી ફટકારી કેપ્ટન શુભમન ગિલે સૌથી વધુ 126 રન બનાવ્યા. ઓપનર કેએલ રાહુલે 100 રનની ઇનિંગ રમી. પંત અને સાઈ સુદર્શને 81-81 રન બનાવ્યા. વોશિંગ્ટન સુંદર 52 અને કુલદીપ યાદવ 9 રન બનાવીને અણનમ રહ્યા. ડેબ્યૂ મેચ રમી રહેલા માનવ સુથારે 28, યશસ્વી જયસ્વાલે 24 અને ધ્રુવ જુરેલે 19 રન બનાવ્યા. મોહમ્મદ સિરાજે 12 બોલમાં 22 રન બનાવ્યા. અફઘાનિસ્તાન તરફથી મોહમ્મદ સલીમ સફીએ 6 વિકેટ લીધી. ઝિયાઉર રહેમાન અને હશમતુલ્લાહ શાહિદીને એક-એક વિકેટ મળી. મેચ સ્કોરબોર્ડ મેચની પળેપળની અપડેટ્સ જાણવા માટે નીચે બ્લોગ વાંચો…