દિલ્હીમાં 6 માળની હોટલમાં આગ, 21 જીવતા ભડથું થયા:અનેક વિદેશીઓનાં જીવ હોમાયા, 40નું રેસ્ક્યૂ; બાળકને છાતીએ વળગાડી માતા નીચે કૂદી

દિલ્હીના માલવીય નગરમાં બુધવારે સવારે એક રેસ્ટોરન્ટમાં આગ લાગવાથી 21 લોકોનાં મોત થયા છે. મૃત્યુ પામેલા લોકોમાં મધ્ય એશિયા અને આફ્રિકી દેશોના નાગરિકોનો સમાવેશ થાય છે. જોકે, તેમની ચોક્કસ સંખ્યાની માહિતી મળી નથી. દિલ્હી ફાયર સર્વિસ અને સ્થાનિક લોકોના જણાવ્યા અનુસાર, માલવીય નગરના લેમન ગ્રીન રેસ્ટોરન્ટમાં સવારે 8.50 વાગ્યે આગ લાગી હતી. આગ રેસ્ટોરન્ટની ઉપર બનેલા હોટેલ ફ્લોરિશ સ્ટે સુધી પહોંચી ગઈ હતી. તે જ સમયે, બેઝમેન્ટમાંથી પણ 6 થી વધુ લોકોને બહાર કાઢવામાં આવ્યા હતા. ઘટનાના વીડિયોમાં કેટલાક લોકો જીવ બચાવવા માટે સળગતી ઇમારત પરથી કૂદતા જોવા મળી રહ્યા છે. તેમને બચાવવા માટે સ્થાનિક લોકોએ જમીન પર ગાદલા પણ પાથર્યા હતા. અત્યાર સુધીમાં 40 લોકોને બચાવી લેવામાં આવ્યા છે. ઘણા લોકોની હાલત ગંભીર છે. દિલ્હીની આ હોટેલમાં આગ લાગવાનું કારણ હજુ સુધી જાણી શકાયું નથી. છેલ્લા 6 મહિનામાં દિલ્હીમાં આગની અલગ-અલગ ઘટનાઓમાં 66 લોકોના મોત થયા છે. દુર્ઘટનાની 8 તસવીરો… રેસ્ટોરન્ટની ઉપર હોટલ હતી, આગ 6 માળ સુધી પહોંચી પ્રાથમિક માહિતી અનુસાર, આગ 6 માળની ઇમારતના ગ્રાઉન્ડ ફ્લોર પર બનેલા લેમન ગ્રીન રેસ્ટોરન્ટમાં લાગી હતી. થોડા સમય પછી 6 માળની ફ્લોરિશ સ્ટે હોટલ સુધી ફેલાઈ ગઈ. જણાવવામાં આવી રહ્યું છે કે ત્રણ માળ સુધી આગ ફેલાઈ ગઈ. આ હોટેલ દિલ્હીના પ્રેસ એન્ક્લેવ રોડ પર છે. અહીં જ મેક્સ હોસ્પિટલ અને AIIMS પણ છે. જણાવવામાં આવી રહ્યું છે કે આ હોસ્પિટલોમાં સારવાર કરાવવા આવનારાઓના પરિવારજનો પણ આ હોટેલમાં રોકાતા હતા. નીચે આગની જ્વાળાઓ, રસ્તો જામ, લોકો ચોથા માળેથી કૂદ્યા:એમ્બ્યુલન્સ મોડી પડી તો ઘાયલોને ખભા પર ઉઠાવીને લોકો દોડ્યા; દિલ્હી અગ્નિકાંડની 12 તસવીરો દિલ્હી હોટલમાં લાગેલી આગની ઘટનાની પળેપળની માહિતી માટે નીચે બ્લોગ વાંચો…