આસામના જોરહાટમાં ભારતીય વાયુસેનાનું AN-32 વિમાન ક્રેશ થયું, લેન્ડિંગ સમયે દુર્ઘટના ઘટી, 5 જવાન શહીદ

Indian Air Force AN-32 crash: ભારતીય વાયુસેના (IAF)નું AN-32 પરિવહન વિમાન આસામના જોરહાટ એરફોર્સ સ્ટેશન પર ક્રેશ થયું છે. IAF દ્વારા આપવામાં આવેલી માહિતી અનુસાર, AN-32 જોરહાટ એરફિલ્ડ પર લેન્ડિંગ કરવાનો પ્રયાસ કરી રહ્યું હતું ત્યારે આ અકસ્માત થયો હતો. આ અકસ્માતમાં 5 જવાન શહીદ થયા છે. IAF અધિકારીઓના જણાવ્યા અનુસાર IAF AN-32 વિમાન એરફોર્સ સ્ટેશન પરિસરમાં ક્રેશ થયું હતું. ક્રેશ થયા પછી તરત જ, વિમાનની અંદર ભીષણ આગ ફાટી નીકળી હતી.  તાત્કાલિક ઘટનાસ્થળે તાત્કાલિક ઇમરજન્સી રિસ્પોન્સ ટીમો રવાના કરવામાં આવી હતી અને આગ ઓલવવા અને પરિસ્થિતિને કાબુમાં લેવા માટે કામ કરી રહી છે. દુર્ઘટનાનું કારણ હાલમાં અજ્ઞાત છે.  ભારતીય વાયુસેના (IAF) એ અકસ્માતની પુષ્ટિ કરી અને કહ્યું કે ઘટનાસ્થળે પરિસ્થિતિનું નજીકથી મૂલ્યાંકન કરવામાં આવી રહ્યું છે અને નવા તથ્યો બહાર આવતાં વધુ માહિતી પૂરી પાડવામાં આવશે. વાયુસેનાએ અકસ્માતનું કારણ નક્કી કરવા માટે સત્તાવાર તપાસ શરૂ કરી છે. વધુ વિગતોની રાહ જોવાઈ રહી છે.