IND vs ENG: T20 મેચોના સમયમાં થયો મોટો ફેરફાર, ઇંગ્લેન્ડે અચાનક કેમ લીધો આ નિર્ણય?

India vs England T20 Series 2026 : ભારતીય ક્રિકેટ ટીમ આગામી દિવસોમાં આયર્લેન્ડ અને ઇંગ્લેન્ડના પ્રવાસે જવાની છે, જ્યાં ટીમ T20 શ્રેણી રમશે. આ પ્રવાસ માટે ભારતીય T20 ટીમની જાહેરાત પહેલેથી જ કરી દેવામાં આવી છે. ઇંગ્લેન્ડ સામેની સિરીઝ શરૂ થવામાં હવે આશરે 3 અઠવાડિયા જેટલો સમય બાકી છે, પરંતુ તે પહેલાં ઇંગ્લેન્ડ ક્રિકેટ બોર્ડ (ECB) એ એક મોટો નિર્ણય લીધો છે. ECB એ 5 મેચોની આ T20 શ્રેણીના સમયપત્રકમાં ફેરફાર કર્યો છે, જે અંતર્ગત 3 ડે-નાઇટ મેચો હવે નક્કી કરેલા સમય કરતાં 1 કલાક વહેલી શરૂ થશે. આ નિર્ણય પાછળનું મુખ્ય કારણ ટીવી અને ઓટીટી પ્લેટફોર્મ પર વધુમાં વધુ વ્યૂઅરશિપ (દર્શકો) મેળવવાનું છે.