Rekha : ફિલ્મોમાં કામ કરવા નહોતી માગતી રેખા, આ મોટી મજબૂરીના કારણે લીધો હતો એક્ટ્રેસ બનવાનો નિર્ણય!

વાત જ્યારે પણ હિન્દી સિનેમાના ઇતિહાસની સૌથી શ્રેષ્ઠ અદાકારાઓની થાય છે, ત્યારે સદાબહાર એક્ટ્રેસ રેખાને ગણ્યા વિના આ ગણતરી ક્યારેય પૂરી થઈ શકે નહીં. રેખાએ મોટા પડદા પર વીતેલા જમાનામાં પોતાની અદાકારીનો એવો રંગ વિખેર્યો હતો જેની સુગંધ આજ સુધી ફીકી પડી નથી. ભલે તેઓ લાંબા સમયથી રૂપેરી પડદાથી દૂર છે, પરંતુ આજે પણ એક્ટ્રેસ કોઈને કોઈ કારણસર સુર્ખીઓમાં બનેલા રહે છે.ફિલ્મોમાં કેવી રીતે આવ્યા રેખા? એકવાર રેખાએ પોતે આ વાતનો ખુલાસો કર્યો હતો કે આખરે તેઓ ફિલ્મ દુનિયામાં કેમ આવ્યા હતા, જ્યારે તેમનો એક્ટ્રેસ બનવાનો કોઈ ઈરાદો નહોતો. રેખાના માતા પોતાની પર્સનલ લાઈફમાં મુશ્કેલીઓનો સામનો કરી રહ્યા હતા અને આ જ કારણે રેખાને મજબૂરીમાં માત્ર 14-15 વર્ષની ઉંમરે કામ કરવું પડ્યું હતું. રેખાના પિતા અને દિવંગત એક્ટર જેમિની ગણેશને જ્યારે રેખાના માતા અને એક્ટ્રેસ પુષ્પાવલી સાથે લગ્ન કર્યા ત્યારે તેઓ પહેલેથી જ પરિણીત હતા. જો કે પાછળથી તેમણે પુષ્પાવલી સાથે પોતાની પત્નીને છૂટાછેડા આપ્યા વિના લગ્ન કરી લીધા હતા. પિતાનો સાથ ન મળ્યો, સંઘર્ષે બનાવ્યા સુપરસ્ટાર જ્યારે રેખાનો જન્મ થયો ત્યારે રેખાને ગેરકાયદેસર સંતાન કહેવામાં આવ્યા. તેમજ રેખાને પિતાનો પ્રેમ પણ મળી શક્યો નહોતો. આગળ જતાં જેમિનીએ એક્ટ્રેસ સાવિત્રી સાથે લગ્ન કરી લીધા હતા. આ નિર્ણયથી પુષ્પાવલી ખૂબ જ ભાંગી પડ્યા હતા અને તદ્દન એકલા પડી ગયા હતા. તેમની આર્થિક સ્થિતિ પણ બહુ સારી નહોતી. ત્યારે રેખાએ માતાના કહેવાથી અને પરિસ્થિતિઓને જોતા ફિલ્મ દુનિયાને અપનાવી લીધી. દિગ્ગજ અદાકારાએ BBCને આપેલા ઇન્ટરવ્યુમાં કહ્યું હતું, હું મારી મરજીથી નહીં પરંતુ કિસ્મતના મારના કારણે ફિલ્મોમાં આવી છું. રેખાની શાનદાર ફિલ્મો રેખાએ ચાઇલ્ડ આર્ટિસ્ટ તરીકે પોતાના એક્ટિંગ કરિયરની શરૂઆત તેલુગુ ફિલ્મ રંગુલા રત્નમથી કરી હતી. બોલીવુડમાં લીડ એક્ટ્રેસ તરીકે ડેબ્યૂ વર્ષ 1970ની ફિલ્મ 'સાવન ભાદો' થી કર્યું હતું. તેમણે પોતાના કરિયરમાં ઉમરાવ જાન, ખૂબસૂરત, એક હી ભૂલ, રામ બલરામ, જુદાઈ, સુહાગ, મિસ્ટર નટવરલાલ, રામપુર કા લક્ષ્મણ, ગોરા ઔર કાલા, મુકદ્દર કા સિકંદર જેવી કેટલીય શાનદાર ફિલ્મો આપી છે. આ પણ વાંચો-Disaster Movie : બજેટ 100 કરોડ કમાણી 1 કરોડ! કંગના રનૌતના કરિયરની સૌથી મોટી ફ્લોપ ફિલ્મ!