ક્રૂડ તેલના 100 ડોલર ઉપર ભાવથી જીડીપીમાં અડધા ટકાનો ફટકો પડશે

મુંબઈ : ક્રુડ તેલના પ્રતિ બેરલ ભાવ જો ૩-૬ મહિના સુધી ૧૦૦ ડોલરની ઉપર રહેશે તો  વર્તમાન વર્ષ માટેના ભારતના આર્થિક વિકાસ દરમાં અડધા ટકાનો ફટકો પડી શકે છે, એમ સરકાર દ્વારા અંદાજ મુકાયો છે. ક્રુડ તેલના આંતરરાષ્ટ્રીય ભાવ ઉપર તેને ઘરઆંગણે ડિલિવરી પાછળ પંદર ટકા જેટલો ખર્ચ લાગી જાય છે. પશ્ચિમ એશિયા કટોકટીને કારણે ઊર્જાના ભાવમાં થઈ રહેલા વધારાને ધ્યાનમાં રાખી દેશના નીતિવિષયકોએ ફુગાવા, બહારી પરિબળો તથા રાજકોષિય જોખમો પરના નિરીક્ષણને વધુ વ્યાપક બનાવ્યું છે.ભારત તેની ક્રુડ તેલની આવશ્યકતામાંથી ૮૫ ટકાથી વધુ આયાત કરે છે અને મોટાભાગની આયાત હોર્મુઝ ખાડી મારફત થાય છે.