3 આતંકવાદીઓને ઠાર કરનાર કર્નલને શૌર્ય ચક્ર:રાષ્ટ્રપતિએ 13 જવાનોને સન્માનિત કર્યા, નક્સલ ઓપરેશનના પોલીસકર્મીઓ પણ સામેલ

રાષ્ટ્રપતિ દ્રૌપદી મુર્મુએ સોમવારે રાષ્ટ્રપતિ ભવનમાં 13 જવાનો અને અધિકારીઓને શૌર્ય ચક્રથી સન્માનિત કર્યા. સન્માન મેળવનારાઓમાં LoC પર 3 આતંકવાદીઓને ઠાર કરનાર લેફ્ટનન્ટ કર્નલ નિતેશ ભારતી શુક્લાનો સમાવેશ થાય છે. છત્તીસગઢમાં નક્સલ વિરોધી અભિયાન દરમિયાન બહાદુરી દર્શાવનાર પોલીસ અધિકારીઓને પણ શૌર્ય ચક્ર આપવામાં આવ્યું. સમારોહમાં વડાપ્રધાન નરેન્દ્ર મોદી પણ હાજર રહ્યા હતા. આમને મળ્યું શૌર્ય ચક્ર… મેજર આદિત્ય પ્રતાપ સિંહ અરુણાચલ પ્રદેશના સરહદી વિસ્તારમાં એક સૈન્ય અભિયાન દરમિયાન અસાધારણ વીરતાનું પ્રદર્શન કરવા બદલ ભારતીય સેનાના મેજર આદિત્ય પ્રતાપ સિંહને શૌર્ય ચક્રથી સન્માનિત કરવામાં આવ્યા. લેફ્ટનન્ટ કર્નલ નિતેશ ભારતી શુક્લા ભારતીય સેનાની શીખ રેજિમેન્ટની 19મી બટાલિયનના લેફ્ટનન્ટ કર્નલ નિતેશ ભારતી શુક્લાને LoC પર ત્રણ આતંકવાદીઓને ઠાર કરવા બદલ શૌર્ય ચક્ર પ્રદાન કરવામાં આવ્યું. મેજર અંશુલ બલટુ જમ્મુ-કાશ્મીર લાઇટ ઇન્ફન્ટ્રી અને 32 આસામ રાઇફલ્સના મેજર અંશુલ બલટુને શૌર્ય ચક્રથી સન્માનિત કરવામાં આવ્યા. લેફ્ટનન્ટ કમાન્ડર દિલના કે અને રૂપા એ. નાવિકા સાગર પરિક્રમા-II અભિયાન દરમિયાન સાહસ, દરિયાઈ કૌશલ્ય અને ધૈર્યનો પરિચય આપવા બદલ ભારતીય નૌકાદળના લેફ્ટનન્ટ કમાન્ડર દિલના કે અને લેફ્ટનન્ટ કમાન્ડર રૂપા એને શૌર્ય ચક્રથી સન્માનિત કરવામાં આવ્યા. ઇન્સ્પેક્ટર લક્ષ્મણ કેવટ અને રામેશ્વર પ્રસાદ દેશમુખ છત્તીસગઢમાં નક્સલ વિરોધી અભિયાન દરમિયાન બહાદુરી દર્શાવવા બદલ છત્તીસગઢ પોલીસના ઇન્સ્પેક્ટર લક્ષ્મણ કેવટ અને ઇન્સ્પેક્ટર રામેશ્વર પ્રસાદ દેશમુખને શૌર્ય ચક્ર પ્રદાન કરવામાં આવ્યું. લાન્સ દફાદાર બલદેવ ચંદ 4 રાષ્ટ્રીય રાઇફલ્સના શહીદ લાન્સ દફાદાર બલદેવ ચંદને મરણોત્તર શૌર્ય ચક્રથી સન્માનિત કરવામાં આવ્યા. રાષ્ટ્રપતિએ આ સન્માન તેમની પત્ની અને માતાને સુપરત કર્યું.