મેમાં ખાદ્ય તેલની આયાત 6 ટકાથી વધુ વધી 13.39 લાખ ટન રહી

મુંબઈ : ક્રુડ સોયાબીન ઓઈલની ઊંચી આયાતને પરિણામે મેમાં દેશની ખાદ્ય તેલની આયાત ૬.૭૦ ટકા વધી ૧૩.૩૯ લાખ ટન રહી હતી. સોલવન્ટ એક્સ્ટ્રેકટર્સ એસોસિએશન ઓફ ઈન્ડિયા (સી) દ્વારા જાહેર કરાયેલા મેના ડેટા પ્રમાણે, મેમાં ખાદ્ય તેલની આયાત વધી ૧૩,૩૮,૯૩૬ ટન રહી હતી જે ગયા વર્ષના મેમાં ૧૨,૫૪,૮૮૩ ટન રહેવા પામી હતી.ક્રુડ સોયાબીન ઓઈલની આયાતમાં ધરખમ વધારો થતાં ખાદ્ય તેલની એકંદર આયાતમાં વધારો થયો છે.