Bihar: પાટલીપુત્ર સ્ટેશન પર વિદ્યાર્થીઓએ ટ્રેનમાં કર્યો પથ્થરમારો, IG સહિત અનેક પોલીસકર્મીઓ ઘાયલ

પાટલીપુત્ર રેલવે સ્ટેશન પર ભારે હોબાળો આ દરમિયાન ગુસ્સે ભરાયેલા વિદ્યાર્થીઓએ રેલવે ટ્રેક પર ઉતરી ટ્રેનો રોકી દીધી, પથ્થરમારો કર્યો અને પરીક્ષા સ્પેશિયલ ટ્રેનમાં તોડફોડ પણ કરી. પથ્થરમારામાં અનેક પોલીસકર્મીઓ ઘાયલ થયા હોવાની માહિતી મળી છે. પરિસ્થિતિ બેકાબૂ બનતા પોલીસે ત્રણ રાઉન્ડ હવાઈ ફાયરિંગ કરવું પડ્યું.પરીક્ષા બે પાળીમાં યોજાવાની હતીમધ્ય નિષેધ વિભાગની પરીક્ષા બે પાળીમાં યોજાવાની હતી, જેના કારણે હજારો ઉમેદવારો રાત્રે જ સ્ટેશન પર પહોંચી ગયા હતા. સ્ટેશન પર પૂરતી ટ્રેન વ્યવસ્થા ન હોવા અને ટ્રેનો મોડેથી આવવાને કારણે ઉમેદવારોમાં પરીક્ષા છૂટી જવાની ભીતિ ફેલાઈ હતી.પરિસ્થિતિ ત્યારે વધુ ગંભીર બની જ્યારે પાટલીપુત્રથી કટિહાર માટે ચલાવવામાં આવેલી પરીક્ષા સ્પેશિયલ ટ્રેન સ્ટેશન પર પહોંચી. ટ્રેન આવતાં જ ઉમેદવારોમાં ભારે અફરાતફરી મચી ગઈ. ત્યારબાદ નારાજ વિદ્યાર્થીઓ પાટલીપુત્ર-કટિહાર પરીક્ષા સ્પેશિયલ ટ્રેનની આગળ પાટા પર બેસી ગયા અને રેલવે પ્રશાસન વિરુદ્ધ જોરદાર સૂત્રોચ્ચાર શરૂ કર્યો.પોલીસે કર્યા ત્રણ રાઉન્ડ ફાયરિંગહંગામા દરમિયાન કેટલાક તોફાની તત્વોએ ટ્રેનમાં તોડફોડ કરી અને જોરદાર પથ્થરમારો શરૂ કર્યો. જેના કારણે પરિસ્થિતિ વધુ બેકાબૂ બની ગઈ. ઘટનાની જાણ થતાં જ અનેક પોલીસ સ્ટેશનોની ટીમો સ્થળ પર પહોંચી ગઈ.આઈજી સહિત અનેક પોલીસકર્મીઓ ઘાયલપરિસ્થિતિ એટલી તંગ બની ગઈ કે પોલીસે સ્થિતિ કાબૂમાં લેવા માટે ત્રણ રાઉન્ડ હવાઈ ફાયરિંગ કરવું પડ્યું. આ હિંસક અથડામણમાં આઈજી જિતેન્દ્ર રાણા અને રૂપસપુર પોલીસ સ્ટેશનના ઇન્ચાર્જને સામાન્ય ઈજાઓ પહોંચી હતી. ત્યારબાદ વધારાનો પોલીસ બંદોબસ્ત ગોઠવવામાં આવ્યો.હાલમાં આઈજી જિતેન્દ્ર રાણા, એસપી, દાનાપુર એસડીએમ, એએસપી સહિત અનેક પોલીસ અધિકારીઓ અને પોલીસ દળ સ્થળ પર હાજર છે. પોલીસ અને રેલવે પ્રશાસન ઉમેદવારોને સમજાવવાનો પ્રયાસ કરી રહ્યા છે. સાથે જ રેલવે પ્રશાસને તાત્કાલિક સ્પેશિયલ ટ્રેનો દોડાવી છે, જેથી ઉમેદવારોને સમયસર તેમના પરીક્ષા કેન્દ્રો સુધી પહોંચાડી શકાય.