El-Nino: અલ નિનોના ખતરાથી PMનું રાજ્યોને એલર્ટ કર્યુ, કહ્યું તૈયાર રહો

પ્રધાનમંત્રી નરેન્દ્ર મોદીએ ગુરુવારે નવી દિલ્હીમાં રાષ્ટ્રપતિ ભવન સાંસ્કૃતિક કેન્દ્ર ખાતે નીતિ આયોગની 11મી ગવર્નિંગ કાઉન્સિલની બેઠકની અધ્યક્ષતા કરી. આ વર્ષની બેઠકનો વિષય "2047 સુધીમાં વિકસિત ભારત માટે સમાવિષ્ટ માનવ વિકાસ" હતો. 28 રાજ્યો અને પાંચ કેન્દ્રશાસિત પ્રદેશોનું પ્રતિનિધિત્વ કરતા મુખ્યમંત્રીઓ, ઉપરાજ્યપાલો અને વહીવટકર્તાઓએ ભાગ લીધો હતો. આ પહેલી વાર હતું જ્યારે તમામ 28 રાજ્યોના મુખ્યમંત્રીઓએ નીતિ આયોગ ગવર્નિંગ કાઉન્સિલની બેઠકમાં ભાગ લીધો હતો.પીએમ મોદીએ અલનીનોને લઇને આપી ચેતવણી પ્રધાનમંત્રી નરેન્દ્ર મોદીએ અલ નીનો પરિસ્થિતિઓથી ઉદ્ભવતા જોખમો વિશે ચેતવણી આપી હતી અને મજબૂત જળ સંરક્ષણ પગલાં લેવાની હાકલ કરી હતી. તેમણે રાજ્યોને આર્ટિફિશિયલ ઇન્ટેલિજન્સ (AI) ની તકો અને સાયબર છેતરપિંડી અને ડ્રગના દુરુપયોગ જેવા ઉભરતા સામાજિક પડકારોનો સામનો કરવા માટેના પગલાં વચ્ચે સંતુલન જાળવવા વિનંતી કરી હતી.નીતિ આયોગની બેઠકની કરી અધ્યક્ષતા નીતિ આયોગની 11મી ગવર્નિંગ કાઉન્સિલની બેઠકની અધ્યક્ષતા કરતા, પ્રધાનમંત્રી મોદીએ એમ પણ કહ્યું કે જ્યારે ઘણી મોટી અર્થવ્યવસ્થાઓ અનિશ્ચિતતા અને આર્થિક પડકારોનો સામનો કરી રહી છે, ત્યારે ભારતની વિકાસગાથા વિશ્વને પ્રેરણા આપી રહી છે. તેમણે આત્મનિર્ભરતા તરફ દેશના સંકલ્પને મજબૂત બનાવવાની જરૂરિયાત પર ભાર મૂક્યો અને વૈશ્વિક સ્તરે અપનાવવામાં આવેલી શ્રેષ્ઠ પ્રથાઓને અપનાવવા અને અમલમાં મૂકવાના મહત્વ પર ભાર મૂક્યો.વિકસિત ભારતના લક્ષ્યને પ્રાપ્ત કરવા સાથે મળીને કામ કરવુ- પીએમ મોદી ભારતના ઘણા દેશો સાથેના તાજેતરના વેપાર કરારોનો ઉલ્લેખ કરતા, પીએમ મોદીએ રાજ્યોને યુવાનો અને MSME માટે તકો ઊભી કરવા અને આ કરારોનો લાભ લેવા માટે હિસ્સેદારોને તૈયાર કરવા કહ્યું. તેમણે રાજ્યોને ભાગીદાર દેશોમાંથી રોકાણ આકર્ષવાની પણ સલાહ આપી. સરકારી નિવેદન અનુસાર, સહકારી સંઘવાદના મહત્વ પર ભાર મૂકતા, મોદીએ કહ્યું કે કેન્દ્ર અને રાજ્યોએ 'વિકસિત ભારત' ના લક્ષ્યને પ્રાપ્ત કરવા માટે સાથે મળીને કામ કરવું જોઈએ. આ પણ વાંચો- આ એક જિલ્લો, ગણાય છે Litchi Capital of India, જાણો કયો ?