TMCમાં મોટી ઉથલપાથલ, સસ્પેન્સ બાદ બળવાખોર 19 સાંસદના નામ આવ્યા સામે, શત્રુઘ્ન અને યુસુફ પઠાનનો પણ બળવો

TMC Rebel MPs List Out : પશ્ચિમ બંગાળના સત્તાધારી પક્ષ તૃણમૂલ કોંગ્રેસ (TMC)માં ચાલી રહેલી રાજકીય ઉથલપાથલ વચ્ચે એક અત્યંત ચોંકાવનારા સમાચાર સામે આવ્યા છે. મમતા બેનર્જી સામે બગાવત કરનારા ટીએમસીના 19 લોકસભા સાંસદોની સત્તાવાર યાદી સાર્વજનિક થઈ ગઈ છે. આ યાદીમાં બોલિવૂડના દિગ્ગજ અભિનેતા અને રાજનેતા શત્રુઘ્ન સિન્હા તેમજ ભારતીય ટીમના પૂર્વ સ્ટાર ક્રિકેટર યુસુફ પઠાન જેવા મોટા અને હાઈપ્રોફાઈલ નામો સામેલ છે. આ અહેવાલે પશ્ચિમ બંગાળ અને દિલ્હીના રાજકારણમાં ભારે સસ્પેન્સ અને ઉત્તેજના વધારી દીધી છે.મળતી વિગતો અનુસાર, પક્ષના ધારાસભ્યો બાદ હવે ખૂબ જ મોટી સંખ્યામાં ટીએમસીના લોકસભા સાંસદો પણ મમતા બેનર્જીના નેતૃત્વ સામે બળવાખોર બન્યા છે.