ગ્લોબલ ફાઇનાન્સિયલ સિસ્ટમમાં 421 લાખ કરોડની ગેરકાયદેસર લેણદેણ:AI બન્યું સાયબર અપરાધીઓનું સૌથી મોટું હથિયાર, 84% નિષ્ણાતોએ ગંભીર પડકાર ગણાવ્યો

AI સાયબર ગુનેગારોનું સૌથી મોટું હથિયાર બની ગયું છે. AI એજન્ટો પરંપરાગત સુરક્ષા પ્રણાલીઓને સરળતાથી ચકમો આપી રહ્યા છે. સાયબર સુરક્ષા ફર્મ બાયોકેચના ગ્લોબલ સર્વેમાં 88% બેંકિંગ પ્રોફેશનલ્સે સ્વીકાર્યું કે AI એ છેતરપિંડી અને કૌભાંડોને જટિલ બનાવી દીધા છે. 2025માં ગ્લોબલ ફાઇનાન્સિયલ સિસ્ટમમાં લગભગ 421 લાખ કરોડના ગેરકાયદેસર વ્યવહારો થયા. તેમાંથી 55 લાખ કરોડ સીધા છેતરપિંડીનો મામલો હતો. અમેરિકી એજન્સી FBIનો અંદાજ છે કે છેતરપિંડીના 85% કેસ નોંધાતા જ નથી. 25 દેશોના 1,440 છેતરપિંડી વ્યવસ્થાપન અને જોખમ નિષ્ણાતોનો અભિપ્રાય છેતરપિંડીના પ્રયાસો 71%, નુકસાન 59% વધ્યા 81% નિષ્ણાતોનું કહેવું છે કે તેમની સંસ્થામાં છેતરપિંડીના પ્રયાસો વધી રહ્યા છે. 2025માં આ વૃદ્ધિ 71% રહી. 76% એ સ્વીકાર્યું કે તેમની બેંકને છેતરપિંડીથી થતું નુકસાન માત્ર એક વર્ષમાં 59% વધી ગયું છે. 85% નાણાકીય છેતરપિંડીના કેસ નોંધાતા જ નથી. અમેરિકી એજન્સી FBIએ આવો અંદાજ લગાવ્યો છે. વૈશ્વિક નાણાકીય છેતરપિંડી વધવાના ત્રણ સૌથી મોટા કારણો આ છે 59% બેન્કરોએ સ્વીકાર્યું કે તરત જ પૈસા ટ્રાન્સફર કરતી એપ્સથી છેતરપિંડી સરળ છે. 45% નિષ્ણાતોએ કહ્યું કે ગુનેગારો લોકોને લલચાવીને પૈસા ટ્રાન્સફર કરાવી લે છે. 45% લોકોએ AI ટેકનોલોજીના ઉપયોગને કારણભૂત ગણાવ્યો. છેતરપિંડીમાં આ AI ટેકનો સૌથી વધુ ઉપયોગ ડીપફેક, સોશિયલ એન્જિનિયરિંગ (50%) - અવાજ, ચહેરાની હૂબહૂ નકલ કરીને સગા-સંબંધીઓ/અધિકારીઓના નામે છેતરપિંડી કરવી. ઓટોમેટેડ ફિશિંગ (48%) - મોટા પાયે નકલી ઈમેલ, મેસેજ મોકલવા. ઓટોમેટેડ મની લોન્ડરિંગ (44%) - માનવીય હસ્તક્ષેપ વિના ઝડપથી પૈસાને અહીં-તહીં ઠેકાણે પાડવા. સૌથી મોટો અને નવો ખતરો AI એજન્ટ્સ, મોટાભાગના બેન્કિંગ પ્રોફેશનલ્સ માટે તેમને કાબૂમાં રાખવા મુશ્કેલ - 80% સંસ્થાઓએ જણાવ્યું છે કે તેઓ પહેલાથી જ એજન્ટિક AI નો ઉપયોગ કરીને થતા હુમલાઓનો સામનો કરી ચૂક્યા છે. 84% માને છે કે આગામી એક વર્ષમાં ‘AI એજન્ટ્સ’ બેંકોની સૌથી મોટી નબળાઈ સાબિત થઈ શકે છે. - 72% માને છે કે ભવિષ્યમાં જ્યારે AI એજન્ટ્સ વ્યવહારો શરૂ કરશે, ત્યારે કાયદેસરના AI-સહાયિત વ્યવહારો અને હેકર/ગુનેગારના દૂષિત AI વ્યવહારો વચ્ચે ભેદ પારખવો અત્યંત પડકારજનક બની જશે. બેંકો રિયલ-ટાઇમ ડેટા શેર કરે રિપોર્ટ આ વાત પર ભાર મૂકે છે કે જ્યારે ગુનેગારો આટલી ઝડપથી કામ કરી રહ્યા છે, ત્યારે બેંકોએ પણ એકબીજા સાથે મળીને રિયલ-ટાઇમમાં ડેટા શેર કરવો પડશે. 86% લોકોએ સ્વીકાર્યું કે જો પૈસા મેળવનાર ખાતાની રિયલ-ટાઇમ માહિતી મળી જાય, તો છેતરપિંડીને તે જ સમયે રોકવી શક્ય બનશે. મ્યુલ એકાઉન્ટ્સ ફ્રોડ ઇકોસિસ્ટમની તાકાત મની મ્યુલ (પૈસાની હેરાફેરી માટે સામાન્ય રીતે ઉપયોગમાં લેવાતા નકલી અથવા ભાડે લીધેલા બેંક ખાતાઓ) ફ્રોડ ઇકોસિસ્ટમની કરોડરજ્જુ છે. માત્ર 2024માં બાયોકેચના ગ્રાહકોએ 20 લાખ મની મ્યુલ ખાતાઓની ઓળખ કરી હતી. મુશ્કેલી એ છે કે માત્ર 20% બેંકો જ આવા ખાતાઓને પહેલીવારમાં પકડી શકે છે. સર્વે રિપોર્ટ મુજબ, 48% પહેલું પેમેન્ટ આવ્યા પછી અને 26% પૈસા ખાતામાંથી નીકળી ગયા પછી ફ્રોડ ટ્રેક કરી શકે છે.