છત્તીસગઢમાં દોરડાથી બાંધીને 7 વર્ષની 2 બાળકીઓ પર રેપ:ચોકલેટ આપવાના બહાને દુષ્કર્મ કર્યું, માતાએ કહ્યું- પોલીસ આરોપીને VIP સુવિધાઓ આપી રહી છે

છત્તીસગઢના બિલાસપુરના સિરગિટ્ટી પોલીસ સ્ટેશન વિસ્તારમાં 17 વર્ષના એક સગીરે ચોકલેટ આપવાના બહાને 7 વર્ષની બે બાળકીઓ પર બળાત્કાર કર્યો છે. આરોપીએ તેમની સાથે મારપીટ પણ કરી. જ્યારે પરિવારજનોએ તેને પકડવાનો પ્રયાસ કર્યો, ત્યારે તે ભાગી ગયો. આ મામલે પીડિત બાળકીઓની માતાએ પોલીસકર્મીઓ પર ગંભીર આરોપો લગાવ્યા છે. પીડિત બાળકીઓની માતાનું કહેવું છે કે ફરિયાદ છતાં પોલીસ આરોપી છોકરાને પકડવાને બદલે તેની માતા સાથે વાતચીત કરવામાં વ્યસ્ત રહી. છોકરાની માતાએ પોલીસને 10-20 હજાર રૂપિયા આપવાની ઓફર પણ કરી હતી. જ્યારે પરિવારજનોએ ધરપકડમાં વિલંબ પર વાંધો ઉઠાવ્યો, ત્યારે જઈને પોલીસ છોકરાને પોલીસ સ્ટેશન લઈ આવી. પીડિત પક્ષે પોલીસ પર ગંભીર બેદરકારી દાખવવા, પુરાવા ન ભેગા કરવા, FIR નોંધવામાં મોડું કરવા, આરોપી છોકરાને VIP સુવિધા આપવા અને સમજૂતી માટે માનસિક દબાણ બનાવવાનો આરોપ લગાવ્યો છે. આ મામલે તેમણે બિલાસપુર SSP રજનેશ સિંહને મળીને ફરિયાદ કરી હતી, જેના પછી ASI શીતલા પ્રસાદ ત્રિપાઠીને બિલાસપુર લાઇન એટેચ કરવામાં આવ્યા છે. લાઇન એટેચ એટલે કે કોઈ પોલીસ અધિકારી (જેમ કે ઈન્સ્પેક્ટર, કોન્સ્ટેબલ, અથવા સબ-ઇન્સ્પેક્ટર) ને તેમના વર્તમાન પોલીસ સ્ટેશન અથવા ફિલ્ડ ડ્યુટીમાંથી હટાવીને તેમને પોલીસ હેડક્વાર્ટર (પોલીસ લાઇન્સ) સાથે જોડવામાં આવે છે. જાણો શું છે આખો મામલો ? પીડિત બાળકીઓના પરિવારજનોના જણાવ્યા મુજબ, આરોપી સગીર છોકરો ચોકલેટ ખવડાવવાના બહાને છેલ્લા ઘણા દિવસોથી બાળકીઓ પર રેપ કરી રહ્યો હતો. 27 મેના રોજ પરિવારજનોએ તેને રંગે હાથે પકડી લીધો. તે ખોટું કામ કરતી વખતે બાળકીઓને દોરડાથી બાંધી રાખતો હતો. 29 મેના રોજ પોલીસે આરોપીની ધરપકડ તો કરી લીધી, પરંતુ ઘટનાસ્થળેથી પુરાવા જપ્ત કર્યા નહોતા. ઘટના સાથે સંકળાયેલા સામાન (દોરડું અને અન્ય વસ્તુઓ) અને બાકીના પુરાવાઓની જાણ પોલીસને તરત જ કરવામાં આવી હતી. તેમને આ વસ્તુઓને તાત્કાલિક જપ્ત કરવા માટે કહેવામાં આવ્યું હતું, તેમ છતાં સિરગિટ્ટી પોલીસે પુરાવાઓને સુરક્ષિત રાખવા માટે કોઈ પગલાં લીધાં નહોતાં. પોલીસની આ બેદરકારીથી હવે જરૂરી પુરાવા નષ્ટ થવાની આશંકા છે. વરિષ્ઠ અધિકારીઓના હસ્તક્ષેપ બાદ FIR નોંધાઈ ઘટનાની જાણકારી આપ્યા પછી પણ સિરગિટ્ટી પોલીસે તાત્કાલિક FIR નોંધી નહોતી. પીડિત પરિવાર સવારથી મોડી રાત સુધી પોલીસ સ્ટેશન અને અધિકારીઓના ચક્કર મારતો રહ્યો. જોકે, વરિષ્ઠ અધિકારીઓના હસ્તક્ષેપ બાદ જ આ મામલે રિપોર્ટ નોંધવામાં આવ્યો. પોલીસે આરોપીનું મેડિકલ 'નીલ' કર્યું આરોપ છે કે ઘટના બાદ બાળકીઓનું મેડિકલ ચેકઅપ કરાવવામાં આવ્યું હતું, જેમાં તેમના ગુપ્ત ભાગે દુખાવો હોવાની પુષ્ટિ થઈ હતી અને સંકેતો મળ્યા હતા. તેમ છતાં, પોલીસ શરૂઆતથી જ કેસને નબળો પાડવાનો પ્રયાસ કરી રહી છે. નિર્દોષ બાળકીઓને વારંવાર પૂછપરછ કરીને માનસિક રીતે પરેશાન કરવામાં આવી રહી છે. પોલીસે આરોપીનું મેડિકલ 'નીલ' કરી દીધું છે. પોલીસ પર સમાધાન કરવા દબાણ કરવાનો આરોપ પીડિત બાળકીની માતાએ ફરિયાદ કરી હતી કે પોલીસ સ્ટેશનના ઈન્ચાર્જ અને તપાસ અધિકારી કેસની નિષ્પક્ષ તપાસ કરવાને બદલે મામલાને દબાવવા અને સમાધાન માટે દબાણ કરી રહ્યા છે. પોલીસે પીડિત પરિવારને કહ્યું કે આરોપી તો પાડોશનો જ રહેવાસી અને જાણીતો છોકરો છે, તેથી મામલાને અહીં જ પતાવી દો. તપાસ અધિકારી બદલાયા, ડીએસપીની જગ્યાએ એડિશનલ એસપીને જવાબદારી ફરિયાદ બાદ એસએસપી રજનેશ સિંહે ASI શીતલા પ્રસાદ ત્રિપાઠીને બિલાસપુર લાઇન એટેચ કર્યા છે. DSP અનિતા પ્રભા મિંજ રજા પર હોવાને કારણે તેમની જગ્યાએ વધારાના પોલીસ અધિક્ષક રશ્મિત કૌર ચાવલા (IUCAW)ને તપાસની જવાબદારી સોંપી છે. આરોપી પક્ષને VIP ટ્રીટમેન્ટ પીડિત પક્ષે એમ પણ કહ્યું હતું કે પોલીસ સ્ટેશનમાં આરોપીની માતાને બેસાડી રાખવામાં આવી હતી અને તેમને પોલીસ તરફથી વિશેષ સુવિધાઓ આપવામાં આવી રહી છે. તેમણે TI અને સ્ટાફ પર આરોપીનું રક્ષણ કરવાનો આરોપ લગાવ્યો. તેમનું કહેવું છે કે પોલીસ પીડિત પક્ષને તડકામાં બેસાડે છે, જ્યારે આરોપી સાથે સારો વ્યવહાર કરવામાં આવી રહ્યો છે. તેના પરિવારના લોકો તેને ત્રણ-ત્રણ વાર મળવા આવી રહ્યા છે. જેના કારણે તપાસની પારદર્શિતા શંકાસ્પદ બની ગઈ છે. આરોપી પક્ષ તરફથી પીડિત પરિવારને સતત ધમકીઓ આપવામાં આવી રહી છે, જેના કારણે દીકરીઓ અને આખો પરિવાર ડરી ગયો છે. પીડિત પરિવારની 7 માંગણીઓ: