7 વર્ષ બાદ ઉત્તર કોરિયાની મુલાકાતે Xi Jinping, માત્ર મિત્રતા કે વ્યૂહાત્મક રમત?

ચીનના રાષ્ટ્રપતિ શી જિનપિંગની ઉત્તર કોરિયાની મુલાકાતને માત્ર બે દેશો વચ્ચેની પરંપરાગત મિત્રતા તરીકે જોવી ભૂલભરેલું છે. આ મુલાકાત પાછળના મુખ્ય કારણો વૈશ્વિક રાજકારણના જટિલ સમીકરણો અને વધતી જતી સુરક્ષા ચિંતાઓ સાથે જોડાયેલા છે. લાંબા સમયથી 'લોહીની મિત્રતા'નો દાવો કરતા આ બંને દેશો વચ્ચે છેલ્લા કેટલાક સમયથી અંતર વધ્યું છે, જેને ઘટાડવા અને પ્રભાવ જાળવી રાખવા માટે ચીન હવે સક્રિય બન્યું છે. વ્યૂહાત્મક કારણો અને રશિયાનું પરિબળ આ મુલાકાત પાછળનું સૌથી મોટું કારણ રશિયા અને ઉત્તર કોરિયા વચ્ચે મજબૂત બનતા લશ્કરી સંબંધો છે. યુક્રેન યુદ્ધ બાદ પ્યોંગયાંગ અને મોસ્કો વચ્ચેની નિકટતા ચીન માટે ચિંતાનો વિષય બની છે. ચીન નથી ઈચ્છતું કે ઉત્તર કોરિયા પરનો તેનો દાયકાઓ જૂનો પ્રભાવ ઘટીને રશિયા તરફી બને. ઉત્તર કોરિયાએ રશિયાને લશ્કરી સહાય પૂરી પાડી હોવાના અહેવાલો બાદ ચીન હવે પોતાના પાડોશી દેશ પર પોતાની પકડ મજબૂત કરવા માગે છે. સંતુલન જાળવવાનો પ્રયાસ ચીન માટે ઉત્તર કોરિયા એક અનિવાર્ય પાડોશી છે; તે તેને સંપૂર્ણપણે નિયંત્રિત કરી શકતું નથી અને તેને ગુમાવી પણ શકતું નથી. ચીન તેની સરહદ પર શાંતિ ઈચ્છે છે, પરંતુ ઉત્તર કોરિયાનો પરમાણુ કાર્યક્રમ વારંવાર કટોકટી સર્જે છે. બીજી તરફ, ઉત્તર કોરિયા પણ હવે ચીન પર સંપૂર્ણ નિર્ભર રહેવાને બદલે રશિયા જેવા દેશો સાથે સંબંધો વધારીને પોતાના વિકલ્પો ખુલ્લા રાખવા માંગે છે. પરિણામ અને ભવિષ્ય દક્ષિણ કોરિયાના નિષ્ણાતો માને છે કે ચીન આ મુલાકાત દ્વારા અમેરિકા અને ઉત્તર કોરિયા વચ્ચે મધ્યસ્થી બનવાની પોતાની ઈચ્છા પણ વ્યક્ત કરી રહ્યું છે. જોકે, ઉત્તર કોરિયાના પરમાણુ કાર્યક્રમનું ખુલ્લેઆમ સમર્થન ન કરતા ચીન આંતરરાષ્ટ્રીય દબાણ પણ સાચવવા માંગે છે.આ પણ વાંચોઃ Donald Trumpના AI સલાહકારે માત્ર 18 મહિના પછી પોતાના પદ પરથી કેમ આપ્યુ રાજીનામું, જાણો શુ છે કારણ?