Chardham Yatra 2026: 20 લાખથી વધુ શ્રદ્ધાળુઓ પહોંચ્યા, 86 યાત્રીઓના મોત

ઉત્તરાખંડમાં ચાલી રહેલી પવિત્ર ચારધામ યાત્રા દરમિયાન પ્રવાસીઓના મોતના આંકડા ચિંતાજનક રીતે વધી રહ્યા છે. પ્રાપ્ત વિગતો અનુસાર, અત્યાર સુધીમાં કુલ 86 તીર્થયાત્રીઓ કાળનો કોળિયો બની ચૂક્યા છે, જેમાં મોટાભાગના મૃત્યુ સ્વાસ્થ્ય સંબંધિત સમસ્યાઓના કારણે થયા છે. આ સિવાય એક યાત્રી ગંભીર રીતે ઘાયલ પણ થયો છે.તાજેતરમાં નોંધાયેલા અકસ્માત અને મોતના બનાવો23 મે (બપોરે 1:53 વાગ્યે): ઉખીમઠ નજીક ગૌરીકુંડ માર્ગ પર પહાડ પરથી પથ્થર પડવાના કારણે મધ્યપ્રદેશના વતની બોન્દર સિંહ (ઉંમર 35 વર્ષ)નું ઘટનાસ્થળે જ કરુણ મોત નીપજ્યું હતું.23 મે (રાત્રે 8:50 વાગ્યે): નવી દિલ્હીના રહેવાસી મનવર સિંહ (ઉંમર 62 વર્ષ)ની ગુપ્તકાશીમાં અચાનક તબિયત બગડતા તેમણે દમ તોડ્યો હતો.23 મે (વહેલી સવારે 5:00 વાગ્યે): બિહારના ગ્રામ્ય વિસ્તારના વતની કે.આર. સુરેશરાવ (ઉંમર 56 વર્ષ)નું કેદારનાથના પ્રાથમિક આરોગ્ય કેન્દ્રમાં સારવાર દરમિયાન અવસાન થયું હતું.22 મે (રાત્રે 9:30 વાગ્યે): મહારાષ્ટ્રના રહેવાસી ધર્મરાજ દેસાઈ (ઉંમર 60 વર્ષ)નું ફાટા રામપુરમાં સ્વાસ્થ્ય બગડવાના કારણે મોત થયું હતું.અન્ય વિસ્તારો: ચમોલી જિલ્લાના ગૌચર-કર્ણપ્રયાગ માર્ગ પર અસમની સોમ બોસ્યા નામની વ્યક્તિનું અને ઉત્તરકાશીમાં યમુનોત્રી દર્શને આવેલા રાજસ્થાનના ચિત્તોડગઢના 75 વર્ષીય વૃદ્ધ ભરત દાસનું પણ બીમારીના કારણે અવસાન થયું છે.આગામી બે દિવસ ભારે: હવામાન વિભાગની કડક ચેતવણીદેહરાદૂન હવામાન વિભાગે 24 અને 25 મેના રોજ દેહરાદૂન, ટિહરી, ઉત્તરકાશી, રુદ્રપ્રયાગ, ચમોલી, બાગેશ્વર અને પિથોરાગઢ જિલ્લાઓ માટે એલર્ટ જાહેર કર્યું છે. આ વિસ્તારોમાં 40 થી 50 કિમી પ્રતિ કલાકની ઝડપે તોફાની પવન ફૂંકાવાની અને વીજળીના કડાકા-ભડાકા સાથે વરસાદની સંભાવના છે.બર્ફીલા તોફાનની આશંકા: 25 મેના રોજ 4,000 મીટરથી વધુ ઊંચાઈ ધરાવતા પર્વતીય વિસ્તારોમાં હળવીથી મધ્યમ બરફવર્ષા થઈ શકે છે. જો કે, 26 થી 28 મે દરમિયાન હવામાન સામાન્ય રહેશે, પરંતુ 29 અને 30 મેના રોજ ફરી વરસાદી માહોલ સર્જાઈ શકે છે.જંગલોમાં લાગેલી આગ અને માર્ગ અકસ્માતોએ ચિંતા વધારીયાત્રાના રૂટની આસપાસના જંગલોમાં લાગેલી આગ (વનાગ્નિ) વહીવટીતંત્ર માટે મોટો પડકાર બની છે. અલ્મોડા, નૈનીતાલ, પૌડી ગઢવાલ, ચમોલી અને ટિહરીના વિવિધ જંગલોમાં આગ લાગવાની ઘટનાઓ સામે આવી છે, જેને કાબૂમાં લેવા વન વિભાગની ટીમો સતત પ્રયત્નશીલ છે.બીજી તરફ, માર્ગ અકસ્માતોનો ગ્રાફ પણ ડરામણો છે. 1 જાન્યુઆરી 2026 થી અત્યાર સુધીમાં રાજ્યમાં થયેલા વિવિધ અકસ્માતોમાં 110 લોકોએ જીવ ગુમાવ્યા છે અને 405 લોકો ઈજાગ્રસ્ત થયા છે. જેમાં દેહરાદૂનમાં સૌથી વધુ 68 લોકો ઘાયલ થયા છે.રૂટની સ્થિતિ અને તાપમાનની વિગતહાલમાં ઋષિકેશ-કેદારનાથ, બદ્રીનાથ, ગંગોત્રી અને યમુનોત્રી સહિતના તમામ મુખ્ય રાષ્ટ્રીય ધોરીમાર્ગો પર વાહનવ્યવહાર સામાન્ય રીતે ચાલુ છે. માત્ર પિથોરાગઢનો એક ગ્રામીણ રસ્તો બંધ છે, જેને ખોલવાની કામગીરી ચાલુ છે.મુખ્ય શહેરોનું તાપમાન:હરિદ્વાર અને ઉધમ સિંહ નગર: 42°Cદેહરાદૂન: 39°Cરુદ્રપ્રયાગ: 34°Cપિથોરાગઢ: 31°Cચમોલી: 28°Cપ્રશાસનની યાત્રાળુઓને ખાસ અપીલસરકાર અને સ્થાનિક પ્રશાસને શ્રદ્ધાળુઓને વિનંતી કરી છે કે તેઓ યાત્રા શરૂ કરતા પહેલા પોતાનું મેડિકલ ચેકઅપ ચોક્કસ કરાવે. ખાસ કરીને હૃદયરોગ, હાઈ બ્લડ પ્રેશર અથવા શ્વાસની તકલીફ ધરાવતા દર્દીઓએ વધુ સાવચેત રહેવું. કોઈપણ કટોકટીની સ્થિતિમાં તાત્કાલિક સહાય માટે રાજ્ય ઇમરજન્સી નંબર 1070 પર સંપર્ક કરવો. Gold Silver Price Today: ચાંદીમાં 4000થી વધુ વધ્યા, સોનામાં પણ તેજી, જાણો 25મેનો લેટેસ્ટ ભાવ