IPLમાં આજે SRH vs RCB:હૈદરાબાદે ટૉસ જીતીને બેટિંગ લીધી, બેંગલુરુ જીતશે તો નંબર વન પોઝિશન પાકી

IPL 2026માં આજે ડિફેન્ડિંગ ચેમ્પિયન રોયલ ચેલેન્જર્સ બેંગલુરુ (RCB) અને સનરાઇઝર્સ હૈદરાબાદ (SRH) વચ્ચે મેચ હૈદરાબાદના રાજીવ ગાંધી ઇન્ટરનેશનલ સ્ટેડિયમમાં રમાઈ રહી છે. જેમાં હૈદરાબાદના કેપ્ટન પેટ કમિન્સે ટૉસ જીતીને બેટિંગ લીધી છે. બંને ટીમની નજર પોઇન્ટ્સ ટેબલમાં ટૉપ-2માં ફિનિશ કરવા પર છે. RCB હાલમાં 18 પોઇન્ટ્સ અને +1.065ના સૌથી શ્રેષ્ઠ નેટ રન રેટ (NRR) સાથે ટોચ પર છે. શુક્રવારે જીત મળવા પર બેંગલુરુની નંબર-1 પોઝિશન પાકી થઈ જશે અને તેને ફાઇનલમાં પહોંચવાની બે તક મળશે. સનરાઇઝર્સ હૈદરાબાદ 13 મેચમાં 16 પોઇન્ટ્સ સાથે ત્રીજા સ્થાને છે. તેના પોઇન્ટ્સ ગુજરાત ટાઇટન્સની બરાબર છે, પરંતુ ઓછા નેટ રન રેટના કારણે તે પાછળ છે. હૈદરાબાદનો નેટ રન રેટ +0.350. ટૉપ-2માં પહોંચવા માટે હૈદરાબાદે RCBને મોટા માર્જિનથી હરાવવું પડશે. સાથે જ તેણે આશા રાખવી પડશે કે ચેન્નઈ સુપર કિંગ્સ, ગુજરાત ટાઇટન્સને હરાવી દે. બન્ને ટીમની સંભવિત પ્લેઇંગ-12 સનરાઇઝર્સ હૈદરાબાદ (SRH): અભિષેક શર્મા, ટ્રેવિસ હેડ, ઈશાન કિશન (વિકેટકીપર), હેનરિક ક્લાસેન, નીતિશ કુમાર રેડ્ડી, સલિલ અરોરા, પેટ કમિન્સ (કેપ્ટન), હર્ષ દુબે, શિવાંગ કુમાર, ઈશાન મલિંગા અને પ્રફુલ્લ હિંગે ઇમ્પેક્ટ પ્લેયર: સાકિબ હુસૈન રોયલ ચેલેન્જર્સ બેંગલુરુ (RCB): જેકબ બેથેલ, વિરાટ કોહલી, રજત પાટીદાર (કેપ્ટન), જિતેશ શર્મા (વિકેટકીપર), ટિમ ડેવિડ, વેંકટેશ અય્યર, કૃણાલ પંડ્યા, ભુવનેશ્વર કુમાર, રાસિખ સલામ ડાર, જેકબ ડફી અને જોશ હેઝલવુડ. ઇમ્પેક્ટ પ્લેયર: દેવદત્ત પડિકલ.