Iran US Agreement: અંતિમ મુસદ્દો દોહામાં તૈયાર થવાથી પાકિસ્તાનને મોટો ફટકો

કરારને અંતિમ સ્વરૂપ આપવામાં આવે તે પહેલાં અંતિમ મુસદ્દો તૈયાર કરવા દોહામાં બેઠક યોજાવાની છે. દોહામાં બેઠકની તૈયારીઓ યુએસ-ઈરાન પરમાણુ કરારનો અંતિમ મુસદ્દો દોહા ખસેડવામાં આવતા પાકિસ્તાનને મોટો ફટકો પડ્યો છે. જે પગલું ઈસ્લામાબાદમાં થવાની અપેક્ષા હતી. હોર્મુઝ સ્ટ્રેટ અને ઈરાનના સમૃદ્ધ યુરેનિયમ ભંડાર સંબંધિત ચર્ચાઓને અંતિમ સ્વરૂપ આપવા માટે એક ઉચ્ચ સ્તરીય ઈરાની પ્રતિનિધિમંડળ કતારની રાજધાની પહોંચ્યું હતુ. ઈરાની વાતચીત ટીમના વડા એમ.બી. ગાલિબાફ અને ઈરાની વિદેશ પ્રધાન અબ્બાસ અરાઘચી બેઠકમાં હાજરી આપવા માટે દોહા પહોંચ્યા હતા. ઈરાન અંતિમ ડ્રાફ્ટ તૈયાર કરવામાં વ્યસ્ત ઈરાન અને અમેરિકા વચ્ચે સૈદ્ધાંતિક રીતે સર્વસંમતિ થઈ હોય તેવું લાગે છે. જેના કારણે બંને દેશો અંતિમ ડ્રાફ્ટ તૈયાર કરવાનું શરૂ કરી રહ્યા છે. તેઓ શક્ય તેટલી વહેલી તકે ડ્રાફ્ટને અંતિમ સ્વરૂપ આપવાનો પ્રયાસ કરી રહ્યા છે. જેનાથી હસ્તાક્ષર દ્વારા વચગાળાના કરારને અંતિમ સ્વરૂપ આપી શકાય. ઈરાની વિદેશ મંત્રાલયના પ્રવક્તા ઇસ્માઇલ બાઘેઈએ જણાવ્યું હતું કે સૈદ્ધાંતિક રીતે કરાર થયો છે. પરંતુ તે ક્યારે અમલમાં આવશે તે હજુ સુધી જાણી શકાયું નથી. ઇઝરાયલ કરારમાંથી બાકાત ડોનાલ્ડ ટ્રમ્પે ઇઝરાયલને કરારમાંથી બાકાત રાખ્યું છે અને પીએમ નેતન્યાહૂના મંતવ્યોને અવગણ્યા છે. નેતન્યાહૂ કરારના અમલીકરણથી ખૂબ જ પરેશાન છે. ઇઝરાયલ અને ટ્રમ્પ વહીવટીતંત્ર કરાર પર મતભેદમાં છે. આર્થિક અને વૈશ્વિક દબાણ પછી ટ્રમ્પ ઈરાન સાથે કરાર કરવા માટે મજબૂર દેખાય છે. આ પણ વાંચોઃ 65 કેબલ કાર, 300 પ્રવાસી અને હવામાં અટવાયેલા શ્વાસ, જાણો ગુલમર્ગ અકસ્માતની કહાની