MSCI EM ઇન્ડેક્સમાં ટોચના 10 શેરોમાંથી ભારતીય કંપનીઓે બહાર

અમદાવાદ : આર્ટિફીશયલ ઈન્ટેલીજન્સ (એઆઈ) સંબંધિત શેરોમાં ઝડપી વધારાને કારણે સ્થાનિક કંપનીઓ MSCI ઇમર્જિંગ માર્કેટ્સ (EM) ઇન્ડેક્સમાં ટોચના ૧૦ શેરોમાંથી બહાર નીકળી ગઈ છે. છેલ્લા બે દાયકામાં આ પહેલી વાર બન્યું છે કે આ ઇન્ડેક્સમાં ટોચના૧૦ શેરોમાં ભારતીય કંપનીઓ ના હોય. જોકે શેરો પરનો ઐતિહાસિક ડેટા જાહેરમાં ઉપલબ્ધ નથી, પરંતુ તેને ટ્રેક કરનારા વિશ્લેષકો કહે છે કે ૨૦૦૦ પછી આ પહેલી વાર છે કે MSCI ઇમર્જિંગ માર્કેટ્સ ઇન્ડેક્સમાં ટોચના ૧૦ શેરોમાં કોઈ ભારતીય કંપનીનો સમાવેશ થતો નથી. આ ઇન્ડેક્સ વૈશ્વિક સ્તરે ૭૦૦ બિલિયન ડોલરથી વધુનું સંચાલન કરતા નિષ્ક્રિય ભંડોળ માટે બેન્ચમાર્ક તરીકે કામ કરે છે અને સક્રિય ઇમર્જિંગ માર્કેટ ફંડ્સ દ્વારા પણ નજીકથી દેખરેખ રાખવામાં આવે છે.