TMC રાજ્યસભા સાંસદ સુખેન્દુ શેખરનું રાજીનામું, પાર્ટી પણ છોડી:દાવો- 21 લોકસભા સાંસદો પણ BJPના સંપર્કમાં; 58 ધારાસભ્યોએ અલગ જૂથ બનાવ્યું

ધારાસભ્યો પછી હવે તૃણમૂલ કોંગ્રેસના સાંસદો પણ મમતાનો સાથ છોડવાની તૈયારી કરી રહ્યા છે. સોમવારે વરિષ્ઠ નેતા અને રાજ્યસભા સાંસદ સુખેન્દુ શેખરે પક્ષ અને પદ પરથી રાજીનામું આપી દીધું. મીડિયા રિપોર્ટ્સ અનુસાર, રાજીનામા પછી સુખેન્દુએ લોકસભાના લગભગ 20 સાંસદો સાથે ગુપ્ત બેઠક કરી. તેની એક તસવીર સામે આવી, જેમાં શર્મિલા સરકાર, પ્રસુન બેનર્જી, કાલીપદ સોરેન, જગદીશ બસુનિયા અને અરુપ ચક્રવર્તી જોવા મળ્યા. જોકે, કેટલાક રિપોર્ટ્સમાં એવો પણ દાવો કરવામાં આવ્યો કે આ તમામ સાંસદો BJPના સંપર્કમાં છે. લોકસભામાં TMCના 28 અને રાજ્યસભામાં 13 સાંસદો છે. તાજેતરના ઘટનાક્રમમાં બંગાળના 80માંથી 58 ધારાસભ્યો અલગ જૂથ બનાવી ચૂક્યા છે. સુખેન્દુએ રાજીનામા પછી મીડિયાને કહ્યું હતું કે પક્ષના ઘણા લોકો મમતા મનસ્વી રીતે પક્ષ ચલાવી રહ્યા હતા, આ જ કારણોસર તેમણે રાજીનામું આપી દીધું. TMC ના સાંસદો સંબંધિત અપડેટ્સ માટે નીચેનો બ્લોગ જુઓ…