પાકિસ્તાનની અફઘાનિસ્તાન પર એરસ્ટ્રાઈક:ઉંઘમાં જ 11 બાળકો સહિત 13 મોત, 14 મહિલા ઘાયલ; તાલિબાને પાક.ની નાપાક હરકતની નિંદા કરી

પાકિસ્તાને ફરી એકવાર અફઘાનિસ્તાનમાં ઘાતક હુમલા કર્યા છે. અફઘાન સરકારના અધિકારીઓ અને સ્થાનિક સૂત્રોએ બુધવારે સવારે જણાવ્યું હતું કે બંને દેશોની સરહદ નજીક અફઘાનિસ્તાનમાં પાકિસ્તાનના હુમલામાં ઓછામાં ઓછા 13 લોકો માર્યા ગયા છે. અફઘાનિસ્તાને કહ્યું છે કે પાકિસ્તાની સૈન્ય વિમાનોએ રાત્રે તેના હવાઈ ક્ષેત્રનું ઉલ્લંઘન કર્યું અને કુનાર, ખોસ્ત અને પક્તિકા પ્રાંતોમાં સામાન્ય નાગરિકોના ઘરો પર બોમ્બમારો કર્યો. અફઘાન અધિકારીઓ અનુસાર, આ હુમલામાં 11 બાળકો, એક મહિલા અને એક વૃદ્ધ વ્યક્તિનું મોત થયું છે, જ્યારે 14 મહિલાઓ અને બાળકો ઘાયલ થયા છે. તાલિબાને હુમલામાં માર્યા ગયેલા બાળકોની તસવીરો શેર કરી… કાબુલના તાલિબાન શાસકોએ આ હુમલાઓની નિંદા કરતા તેને માનવીય અપરાધ અને આક્રમકતાની કાર્યવાહી ગણાવી છે. પાકિસ્તાન આ પહેલા પણ ઘણી વખત અફઘાનિસ્તાનમાં ઘાતક હુમલા કરી ચૂક્યું છે. તાલિબાન સરકારના મુખ્ય પ્રવક્તા ઝબીઉલ્લાહ મુજાહિદ અનુસાર, પાકિસ્તાની વિમાનોએ અફઘાનિસ્તાનના હવાઈ ક્ષેત્રનું ઉલ્લંઘન કરીને ખોસ્ત, કુનાર અને પક્તિકા પ્રાંતોમાં નાગરિક આવાસોને નિશાન બનાવ્યા. તાલિબાને પાકિસ્તાની હુમલાની નિંદા કરી તાલિબાને આ હુમલાઓને અફઘાનિસ્તાનની સાર્વભૌમત્વનું ખુલ્લું ઉલ્લંઘન ગણાવ્યું છે. જોકે, પાકિસ્તાન તરફથી આ તાજેતરના હુમલા પર તરત કોઈ સત્તાવાર નિવેદન આવ્યું નથી. પાકિસ્તાનનું કહેવું છે કે 'પાકિસ્તાની તાલિબાન' (TTP)ના આતંકવાદીઓ અફઘાનિસ્તાનની જમીનનો ઉપયોગ કરીને પાકિસ્તાનમાં મોટા આત્મઘાતી અને આતંકવાદી હુમલા કરી રહ્યા છે. પાકિસ્તાન લાંબા સમયથી અફઘાન તાલિબાન પાસેથી આ આતંકવાદીઓ વિરુદ્ધ કાર્યવાહીની માંગ કરી રહ્યું છે, જેને કાબુલ નકારતું રહ્યું છે. આનાથી વિપરીત અફઘાન તાલિબાનનું કહેવું છે કે પાકિસ્તાન તેની આંતરિક સુરક્ષા અને રાજકીય નિષ્ફળતાઓ પરથી ધ્યાન ભટકાવવા માટે નિર્દોષ અફઘાન નાગરિકોને નિશાન બનાવી રહ્યું છે. પાકિસ્તાનના હુમલાથી માર્ચમાં 400 લોકોના જીવ ગયા હતા પાકિસ્તાને માર્ચ 2026માં અફઘાનિસ્તાન પર મોટો હવાઈ હુમલો કર્યો હતો. અફઘાન અધિકારીઓના જણાવ્યા અનુસાર, કાબુલમાં એક નશા મુક્તિ કેન્દ્ર પર થયેલા બોમ્બમારામાં 400થી વધુ લોકોના મોત થયા હતા. તાલિબાને તેને માનવતા વિરુદ્ધનો ગુનો ગણાવ્યો હતો. અફઘાનિસ્તાનનો દાવો હતો કે પાકિસ્તાની લડાકુ વિમાનોએ રાજધાની કાબુલના ઘણા વિસ્તારોને નિશાન બનાવ્યા હતા. જોકે, પાકિસ્તાને આ આરોપોને નકારી કાઢ્યા હતા. પાકિસ્તાનનો દાવો હતો કે કાર્યવાહીમાં એક દારૂગોળાના ડેપોને નિશાન બનાવવામાં આવ્યો હતો. માર્ચની તે ઘટના પછી બંને દેશો વચ્ચે તણાવ વધુ વધી ગયો. સરહદ પારના હુમલાઓ, એરસ્ટ્રાઈક અને સૈન્ય અથડામણોને લઈને બંને દેશો સતત એકબીજા પર આરોપ લગાવતા રહ્યા છે. ફેબ્રુઆરી 2026 પછી અત્યાર સુધી શું-શું થયું? ----------------- આ પણ વાંચો… પાકિસ્તાનનો અફઘાનિસ્તાન પર મિસાઈલ હુમલો, 7ના મોત:75 ઘાયલ; 6 પાકિસ્તાની સૈનિકોના મોત બાદ જવાબી હુમલો અફઘાનિસ્તાનના પૂર્વીય પ્રાંત કુનારમાં સોમવારે થયેલા હુમલાઓમાં ઓછામાં ઓછા 7 લોકોના મોત થયા, જ્યારે 75થી વધુ લોકો ઘાયલ થયા હોવાનું જણાવાઈ રહ્યું છે. ઘાયલોમાં યુનિવર્સિટીના વિદ્યાર્થીઓ, બાળકો અને સામાન્ય નાગરિકોનો સમાવેશ થાય છે. બીબીસી મુજબ સ્થાનિક અધિકારીઓએ જણાવ્યું કે રાજધાની અસદાબાદમાં ઘરોની સાથે-સાથે સૈયદ જમાલુદ્દીન અફઘાની યુનિવર્સિટીને પણ નિશાન બનાવવામાં આવી હતી. તાલિબાન સરકારના ઉપ પ્રવક્તા હમદુલ્લાહ ફિતરતે આરોપ લગાવ્યો છે કે આ હુમલા પાકિસ્તાન તરફથી કરવામાં આવ્યા હતા. વાંચો સંપૂર્ણ સમાચાર ---------------- પાકિસ્તાન-અફઘાનિસ્તાન વચ્ચે યુદ્ધ જેવી સ્થિતિ:કરાચીમાં હાઈએલર્ટ, પાકિસ્તાને કહ્યું- અમે અફઘાનના 133 લડવૈયા માર્યા; 200 ઘાયલ, તાલિબાનના સમર્થનમાં ભારત પાકિસ્તાન અને અફઘાનિસ્તાન વચ્ચેની પરિસ્થિતિ યુદ્ધ જેવી બની ગઈ છે. પાકિસ્તાની વાયુસેનાએ ફરીથી અફઘાનિસ્તાનના અનેક વિસ્તારોમાં એર સ્ટ્રાઈક કરી છે. તાલિબાનનો દાવો છે કે તેમણે ઈસ્લામાબાદના ફૈઝાબાદ લશ્કરી મથક સહિત અનેક મુખ્ય સ્થળોને નિશાન બનાવ્યા છે. ગુરુવારે રાત્રે સંઘર્ષ શરૂ થયો જ્યારે અફઘાનિસ્તાને 22 ફેબ્રુઆરીના રોજ પાકિસ્તાની હુમલાનો બદલો લીધો. ટોલો ન્યૂઝ અનુસાર, તાલિબાન પ્રવક્તા ઝબીહુલ્લાહ મુજાહિદે 55 પાકિસ્તાની સૈનિકોને માર્યા ગયા હોવાનો દાવો કર્યો હતો. વાંચો સંપૂર્ણ સમાચાર