રાહુલે એક જ ઓવરમાં 20 રન ફટકારીને બાજી પલટી:ઈન્ડિયન ટીમને હવે 14 બોલમાં 4 રનની જરૂર; કેપ્ટન ગિલ સાથે કેએલ રાહુલ ક્રિઝ પર

અફઘાનિસ્તાને પહેલી વન-ડે મેચમાં ભારતને જીતવા માટે 195 રનનો ટાર્ગેટ આપ્યો છે. ધર્મશાલામાં વરસાદના કારણે મેચ 4 કલાક અને 15 મિનિટના મોડી શરૂ થઈ હતી, જેને કારણે ઓવરો ઘટાડીને 25-25 ઓવરની મેચ કરી છે. જવાબમાં ટીમ ઈન્ડિયાનો સ્કોર 22.4 ઓવરમાં 191/3 છે. ટીમ તરફથી કેપ્ટન શુભમન ગિલ અને કેએલ રાહુલ ક્રિઝ પર છે. શુભમન ગિલે ચોગ્ગો ફટકારીને કરિયરની 18મી ફિફ્ટી ફટકારી છે. રોહિત શર્મા 16 રન બનાવીને રનઆઉટ થયો. રાશિદ ખાને ઈશાન કિશન (34 રન)ને બોલ્ડ કર્યો અગાઉ, ભારતે ટૉસ જીતીને પહેલા બોલિંગ લીધી હતી. અફઘાનિસ્તાનની ટીમ 24.5 ઓવરમાં 194 રન પર ઓલઆઉટ થઈ ગઈ હતી. રહમાનુલ્લાહ ગુરબાઝે માત્ર 48 બોલમાં સદી ફટકારી હતી. તેણે 8 ચોગ્ગા અને 8 છગ્ગાની મદદથી 102 રનની ધમાકેદાર ઇનિંગ્સ રમી હતી. ભારત તરફથી ડેબ્યૂટન્ટ હર્ષ દુબે અને ગુરનૂર બરારને 3-3 વિકેટ મળી હતી. જ્યારે અર્શદીપ સિંહ અને નીતિશ કુમાર રેડ્ડીએ 2-2 વિકેટ ઝડપી હતી. બન્ને ટીમની પ્લેઇંગ-11 ભારત (IND): શુભમન ગિલ (કેપ્ટન), રોહિત શર્મા, કેએલ રાહુલ, શ્રેયસ અય્યર, ઈશાન કિશન (વિકેટકીપર), વોશિંગ્ટન સુંદર, નીતિશ કુમાર રેડ્ડી, હર્ષ દુબે, ગુરનૂર બરાર, અર્શદીપ સિંહ અને પ્રસિદ્ધ ક્રિષ્ના. અફઘાનિસ્તાન (AFG): ઇબ્રાહિમ ઝદરાન, રહમાનુલ્લાહ ગુરબાઝ, સેદિકુલ્લાહ અટલ, રહમત શાહ, હશમતુલ્લાહ શાહિદી (કેપ્ટન), અઝમતુલ્લાહ ઓમરઝાઈ, ઇકરામ અલીખિલ (વિકેટકીપર), રાશિદ ખાન, મોહમ્મદ સલીમ સફી, એએમ ગઝનફર, ઝિયા ઉર રહમાન શરીફી.