કોંગ્રેસ પાસે 4 વધુ, ભાજપ પાસે 10 ઓછા, છતાં MPમાં રાજ્યસભાની ચૂંટણીમાં જામશે ખરાખરીનો જંગ?

MP Rajya Sabha Election 2026 : મધ્ય પ્રદેશમાં ભાજપ (BJP) દ્વારા ત્રીજા ઉમેદવારની જાહેરાત બાદ રાજ્યસભા ચૂંટણીનો મુકાબલો અત્યંત રસપ્રદ વળાંક પર પહોંચી ગયો છે. ભાજપ પાસે જીત માટે 10 મતોની અછત છે, તેમ છતાં કોંગ્રેસમાં ક્રોસ વોટિંગની આશંકા સેવાઈ રહી છે, જેણે દેશના સૌથી જૂના પક્ષને ભારે ચિંતામાં મૂકી દીધો છે. ભારતીય જનતા પાર્ટીએ ત્રીજા ઉમેદવાર તરીકે મત્સ્ય કલ્યાણ બોર્ડના અધ્યક્ષ મહેશ કેવટના નામની જાહેરાત કરીને કોંગ્રેસ માટે નવી પરીક્ષા ઊભી કરી દીધી છે. મહેશ કેવટની એન્ટ્રીથી કોંગ્રેસના ઉમેદવાર જયંત નટરાજન (મીનાક્ષી નટરાજન) માટે મુકાબલો ઘણો કપરો (ટાઇટ-ફાઇટ) બની ગયો છે. જો કે આંકડાકીય દૃષ્ટિએ કોંગ્રેસનું પલ્લું ભારે છે, પરંતુ નટરાજનના નામ સામે પક્ષના આંતરિક અસંતોષની ચર્ચાઓએ ક્રોસ વોટિંગનો ડર પેદા કર્યો છે.