Dhurandhar 2નો રેકોર્ડ તોડવા આવી રહ્યો છે સની દેઓલ! આ 8 શાનદાર ફિલ્મોથી બોક્સ ઓફિસ પર મચાવશે ધૂમ

રણવીર સિંહની ધુરંધર 2 એ બોક્સ ઓફિસ પર જોરદાર કમાણી કરી છે અને તે બોલીવુડની સૌથી મોટી ફિલ્મ બની ચૂકી છે. પરંતુ હવે આનો રેકોર્ડ જોખમમાં મુકાતો જોવા મળી રહ્યો છે કારણ કે સની દેઓલ પોતાની આગામી ફિલ્મોથી રણવીર સિંહ સ્ટારર ફિલ્મનો રેકોર્ડ તોડવાની તૈયારી કરી રહ્યો છે. આની સાથે જ આગામી બે વર્ષ સુધી બોક્સ ઓફિસ પર સની દેઓલનો દબદબો રહેવાનો છે. તેમની ઘણી આતુરતાથી રાહ જોવાતી ફિલ્મો રિલીઝ થવાની છે. આ ફિલ્મો 2026 થી 2027 ની વચ્ચે રિલીઝ થશે. સની દેઓલનો આગામી બે વર્ષનો બોક્સ ઓફિસ પર દબદબો સુપરસ્ટાર સની દેઓલ પાસે ફિલ્મોની લાંબી લાઇન છે. એક સમય એવો હતો જ્યારે તેમને ફિલ્મો મળવાની બંધ થઈ ગઈ હતી, પરંતુ ગદર 2 એ તેમને એવી સફળતા અપાવી કે આજે તેઓ સૌથી વ્યસ્ત કલાકારોમાંથી એક બની ગયા છે. હાલમાં તેમની પાસે 10 થી વધુ ફિલ્મો છે, જે 2026, 2027 અને 2028માં રિલીઝ થશે. બંટવારા 1947ગઈકાલે સનીની જેની આતુરતાથી રાહ જોવાઈ રહી હતી તે બંટવારા 1947ની પહેલી ઝલકની સાથે રિલીઝ ડેટ પણ જાહેર થઈ ગઈ છે. આ ફિલ્મ આમિર ખાન પ્રોડક્શન કંપની દ્વારા બનાવવામાં આવી રહી છે. રાજકુમાર હિરાની નિર્દેશિત આ ફિલ્મ આ જ વર્ષે 14 ઓગસ્ટે સિનેમાઘરોમાં રિલીઝ થશે. ફિલ્મમાં પ્રીતિ ઝિન્ટા, શબાના આઝમી અને કરણ દેઓલ પણ મહત્વની ભૂમિકામાં જોવા મળશે. રામાયણ પાર્ટ 1સની દેઓલ ડાયરેક્ટર નિતેશ તિવારીની ફિલ્મ 'રામાયણ પાર્ટ 1' માં પણ જોવા મળશે. આ પૌરાણિક ફિલ્મમાં તેઓ ભગવાન હનુમાનના પાત્રમાં દેખાશે. આ ફિલ્મ દિવાળી 2026માં રિલીઝ થશે. આમાં રણબીર કપૂર, સાઈ પલ્લવી અને યશ મુખ્ય ભૂમિકામાં છે. ઇક્કાડાયરેક્ટર સિદ્ધાર્થ પી. મલ્હોત્રાની ફિલ્મ 'ઇક્કા' પણ 2026માં રિલીઝ થશે. આ ફિલ્મ નેટફ્લિક્સ પર સ્ટ્રીમ થશે. આ ફિલ્મમાં સનીની સાથે અક્ષય ખન્ના મુખ્ય ભૂમિકામાં છે. કોલ કિંગ સની દેઓલ એકવાર ફરી ડાયરેક્ટર અનિલ શર્મા સાથે કામ કરી રહ્યા છે. તેઓ 'કોલ કિંગ' ફિલ્મમાં જોવા મળશે, જે કોલસા માફિયા પર આધારિત છે. આ ફિલ્મ 2027માં રિલીઝ થશે. જાટ 2 જાટની બોક્સ ઓફિસ સફળતા પછી, તેના સિક્વલની જાહેરાત કરવામાં આવી હતી. સનીની 'જાટ 2' 2027માં સિનેમાઘરોમાં આવશે, હાલમાં, આના શૂટિંગના શિડ્યુલ વિશે કોઈ માહિતી નથી. રામાયણ પાર્ટ 2 સની દેઓલ રામાયણ પાર્ટ 2માં પણ જોવા મળશે. નિતેશ તિવારી અને નમિત મલ્હોત્રાની આ ફિલ્મ દિવાળી 2027માં રિલીઝ થશે. આ એક મલ્ટી-સ્ટારર ફિલ્મ છે. ગદર 3 ડાયરેક્ટર અનિલ શર્માએ સની દેઓલની સાથે 'ગદર 3' ની પણ જાહેરાત કરી છે. ફિલ્મની સ્ટોરી પર અત્યારે કામ ચાલી રહ્યું છે. આ ફિલ્મ 2028માં રિલીઝ થશે અને આમાં સનીની સાથે મુખ્ય ભૂમિકામાં ઉત્કર્ષ શર્મા જોવા મળશે. બાપ સની દેઓલની આગામી ફિલ્મોની યાદીમાં 'બાપ' પણ સામેલ છે. આ એક એક્શન ફિલ્મ છે જેમાં તેઓ સંજય દત્ત, જેકી શ્રોફ અને મિથુન ચક્રવર્તી સાથે જોવા મળશે. આની રિલીઝ ડેટ હજી જાહેર કરવામાં આવી નથી. આ પણ વાંચો-રાડારાડ કરી તો ક્યારેક રડી પડ્યા અને પછી એકલા પડી ગયા... છેલ્લા કેટલાક દિવસોમાં આ 3 કારણોસર ચર્ચામાં રહ્યા સલમાન ખાન