Eid 2026 : અક્ષય કુમારથી લઈને મલાઈકા અરોરા સુધી, બોલીવુડ સેલેબ્સે પાઠવી ઈદની શુભકામનાઓ

ઈદના અવસરે આખા દેશમાં ખુશીઓ અને ઉજવણીનો માહોલ જોવા મળી રહ્યો છે. વળી, બોલીવુડ અને ટીવી સિતારાઓએ પણ આ તહેવારને પોતાના ખાસ અંદાજમાં સેલિબ્રેટ કર્યો. અક્ષય કુમાર, સુનીલ શેટ્ટીથી લઈને મલાઈકા અરોરા સુધી, ઘણા સેલેબ્સે સોશિયલ મીડિયા પર ફેન્સને ઈદની શુભકામનાઓ આપી છે. અક્ષય કુમારે માગી ખુશી અને શાંતિની દુઆ બોલીવુડ એક્ટર અક્ષય કુમારે પોતાના X એકાઉન્ટ પર એક ખાસ વીડિયો શેર કર્યો છે. આ સાથે તેમણે ફેન્સને ઈદની શુભેચ્છાઓ આપી. તેમણે લખ્યું, બધાને ઈદ મુબારક. દરેકના જીવનમાં ખુશી અને શાંતિ માટે દુઆ કરી રહ્યો છું. સુનીલ શેટ્ટીએ પોતાની ઇન્સ્ટાગ્રામ સ્ટોરી પર લખ્યું, આપણા ઘર પ્રેમથી ભરેલા રહે, દિલ તેનાથી પણ વધુ ભરેલા રહે અને આપણને હંમેશા સાથે બેસવાની, ખાવાનું શેર કરવાની અને જે કંઈ આપણી પાસે છે તેના માટે આભારી રહેવાની વજહ મળતી રહે. પ્રેમ અને શાંતિની દુઆ કરું છું. ઈદ મુબારક. કમલ હાસને પણ આપી શુભેચ્છાઓ દિગ્ગજ એક્ટર કમલ હાસને ફેન્સને ઈદની શુભેચ્છાઓ આપતા લખ્યું, મારા વહાલા ઇસ્લામી ભાઈઓ અને બહેનોને ઈદની શુભકામનાઓ. આ તહેવાર આપણને શીખવે છે કે સાચી સેવા ભૂખ્યાઓને જમાડવામાં અને જરૂરિયાતમંદોના આંસુ લૂછવામાં છે. મારી તરફથી રમઝાનની હાર્દિક શુભકામનાઓ. સોહા અલી ખાને આ રીતે મનાવી ઉજવણીસૈફ અલી ખાનની બહેન અને એક્ટ્રેસ સોહા અલી ખાને ખૂબ જ ખાસ અંદાજમાં ઈદનો તહેવાર મનાવ્યો. તેમણે ઇન્સ્ટાગ્રામ પર કેટલીક તસવીરો પોસ્ટ કરી છે, જેમાં તે પોતાના પરિવાર સાથે જોવા મળી રહી છે. તે પોતાની દીકરી ઇનાયા નૌમી ખેમુ અને પતિ કુણાલ ખેમુ સાથે ઈદની ઉજવણીમાં ડૂબેલી દેખાઈ. તેમણે કેપ્શનમાં લખ્યું, આજે ઉજવણી અને ચિંતનની વચ્ચે આવો આપણે કરુણા અને માનવતાને પસંદ કરીએ. આપણી દુઆઓ એવા લોકો સુધી પહોંચે, જેમને આની સૌથી વધુ જરૂર છે. ઈદ મુબારક. હુમા કુરેશીએ પરિવાર સાથે શેર કરી તસવીરો બોલીવુડ એક્ટ્રેસ હુમા કુરેશીએ પણ ઇન્સ્ટાગ્રામ પર પોતાના પરિવાર સાથે કેટલીક તસવીરો શેર કરી છે. તેમણે કેપ્શનમાં લખ્યું, મિસ્ટર એન્ડ મિસીસ મોહમ્મદ સલીમ કુરેશી પરિવાર સાથે. ઈદ મુબારક. સોનમ કપૂર, મલાઈકા અરોરા, જન્નત ઝુબેર, અલી ગોની અને સોની રાઝદાન જેવા સેલેબ્સે ઇન્સ્ટાગ્રામ પર સ્ટોરી શેર કરીને ફેન્સને ઈદની શુભેચ્છાઓ આપી છે. આ પણ વાંચો-Horror Movie : બજેટ 30 કરોડ અને કમાણી 100 કરોડ! આ સુપરહિટ હોરર ફિલ્મ છે જોરદાર!