ITR 2026: ઈન્કમ ટેક્સ રિટર્ન માટે ITR-1 થી ITR-U જારી, જાણો ITR ફોર્મ ડાઉનલોડ થી ફાઇલ કરવાની સંપૂર્ણ પ્રક્રિયા

Income Tax Return Filing 2026 : આવકવેરા કરદાતા માટે મહત્વપૂર્ણ સમાચાર આવ્યા છે. આવકવેરા વિભાગે આકારણી વર્ષ 2026-27 (AY 2026-27) એટલે કે નાણાકીય વર્ષ 2025-26 માટે તમામ આવકવેરા રિટર્ન (ITR) ફોર્મ સૂચિત કર્યા છે. સૌથી મહત્વની બાબત એ છે કે, 1 એપ્રિલ, 2026થી ભારતમાં નવો આવકવેરા અધિનિયમ, 2025 અમલમાં આવ્યો છે. આ નિયમે દાયકાઓ જૂના આવકવેરા નિયમો, 1962નું સ્થાન લીધું છે. આ સાથે જ કરદાતાઓ ઇન્કમ ટેક્સ રિટર્ન ફાઇલ કરવા માટે જે ITR Form નો ઉપયોગ કરતા હતા, તેના નામ અને વિગતો પણ બદલાયા છે.  સેન્ટ્રલ બોર્ડ ઓફ ડાયરેક્ટ ટેક્સીસ (સીબીડીટી) એ આવકવેરા નિયમો, 1962 હેઠળ આઈટીઆર -7 તેમજ આઈટીઆર-યુ અને આઈટીઆર-વી માટે આઈટીઆર -1 જારી કર્યા છે. આ ફોર્મનો ઉપયોગ નાણાકીય વર્ષ 2025-26માં કરવામાં આવેલી આવક માટે રિટર્ન ફાઇલ કરવા માટે કરવામાં આવશે. ટેક્સ એક્સપર્ટલ ભૂલોથી બચવા માટે છેલ્લી ઘડીએ ઇન્કમ ટેક્સ ફાઇનલ કરવાનું ટાળવાનું સૂચન કરે છે. ITR ફોર્મ ક્યાંથી ડાઉનલોડ કરવું? પાત્રતા ધરાવતા કરદાતાઓ હવે સત્તાવાર પોર્ટલ પરથી તેમના આઈટીઆર ફોર્મ ડાઉનલોડ કરી શકે છે- કયું ફોર્મ કોના માટે છે? ITR 1 : આ ફોર્મ તે નિવાસી વ્યક્તિગત કરદાતાઓ માટે છે જેમની કુલ આવક 50 લાખ રૂપિયા સુધી છે. ITR 2 : વ્યક્તિગત કરદાતાઓ અથવા હિન્દુ અવિભાજિત પરિવારો (એચયુએફ) દ્વારા ફાઇલ કરી શકાય છે જે આઈટીઆર -1 (સહજ) ફાઇલ કરવા માટે પાત્ર નથી. ITR3 : તે એવા વ્યક્તિગત કરદાતા અને એચયુએફ માટે છે જેઓ ઉદ્યોગ અથવા વ્યવસાયમાં રોકાયેલા છે અને જેમની માટે એકાઉન્ટ બુક મેન્ટેન કરવાની જરૂર છે. ITR 4 : કોઈપણ નિવાસી વ્યક્તિ / એચયુએફ / ફર્મ (LLP સિવાય) ફાઇલ કરી શકે છે જેની આવક નાણાકીય વર્ષ દરમિયાન 50 લાખ રૂપિયાથી વધુ ન હોય. ITR 5 : કોઇ પેઢી, લિમિટેડ લાયેબિલિટી પાર્ટનરશીપ (LLP) એસોસિએશન ઓફ પર્સન્સ (AOP), બોડી ઓફ ઇન્ડિવિઝ્યુઅલ (BOI) અને આર્ટિફિશિયલ જ્યૂરિડિકલ પર્સન (AJP) જેઓ ઉદ્યોગ અને ધંધા માંથી આવક મેળવે છે. ITR ફાઇલ કરતા પહેલા આ દસ્તાવેજો તૈયાર રાખો આધાર કાર્ડ  પાન કાર્ડ Form 130 ફોર્મ 26 AS (વાર્ષિક માહિતી નિવેદન) કેપિટલ ઇન સ્ટેટમેન્ટ અને રોકાણના પુરાવા ITR ફોર્ મઓનલાઇન કેવી રીતે ફાઇલ કરવું? ઇન્કમ ટેક્સ ઇ-ફાઇલિંગ પોર્ટલ http://www.incometax.gov.in/iec/foportal/ પર જાઓ. પાન નંબર, પાસવર્ડ અને કેપ્ચા કોડ દાખલ ઉપયોગ કરીને લોગ ઇન કરો.  ઇ-ફાઇલ મેનૂ પર જાઓ. ઇન્કમ ટેક્સ રિટર્ન - પસંદ કરો. સાચું ITR ફોર્મ પસંદ કરો. આકારણી વર્ષ (AY) 2025-26 પસંદ કરો. ડેટા વેરિફાઇ કરો અને સબમિટ કરો.  આધાર OTP અથવા અન્ય ઉપલબ્ધ વિકલ્પોનો ઉપયોગ કરીને તમારું ઇન્કમ ટેક્સ રિટર્ન વેરિફાઇ કરો. તમારું ITR અપલોડ કરો અને વેરિફાઇ કરો  આ પણ વાંચો | UPI પેમેન્ટ માટે સૌથી સુરક્ષિત App કઇ છે? સાયબર એક્સપર્ટ પાસેથી જાણો ITR Filing 2026 Last Date : ઈન્કમ ટેક્સ રિટર્ન ફાઇલ કરવાની છેલ્લી તારીખ કઇ છે? પગારદાર કર્મચારીઓ, HUF અને બિન ધંધાકીય વ્યક્તિઓ માટે નાણાકીય વર્ષ 2025-26 માટે ઈન્કમ ટેક્સ રિટર્ન ફાઇલ કરવાની છેલ્લી તારીખ 31 જુલાઇ, 2026 છે. તો કંપનીઓ, પેઢી અને ઉદ્યોગો જેમને ટેક્સ ઓડિટ કરવાની જરૂર હોય છે તેમની માટે ITR 2026 ફાઇલ કરવાની છેલ્લી તારીખ 31 ઓક્ટોબર, 2026 છે.