Jaspal Ranaનું નિધન કેમ થયું? હોસ્પિલના ડોક્ટરે જણાવી હકીકત

ભારતના મહાન પિસ્તોલ શૂટર અને દેશના દિગ્ગજ શૂટિંગ કોચ જસપાલ રાણા હવે આપણી વચ્ચે નથી.વિદેશમાં તેમની તબિયત બગડ્યા બાદ દિલ્હીની એક હોસ્પિટલમાં સારવાર દરમિયાન તેમનું અચાનક અવસાન સમગ્ર દેશ અને રમત જગત માટે એક ઘેરો આઘાત સમાન છે.જસપાલ રાણા જર્મનીના મ્યુનિકમાં ચાલી રહેલા વર્લ્ડ કપમાં ભાગ લેવા માટે ભારતીય શૂટિંગ ટીમ સાથે ગયા હતા.તેઓ 1 જૂને ભારત પરત ફર્યા.ઘરે પાછા ફર્યાના થોડા કલાકોમાં જ તેમની તબિયત ખૂબ જ બગડી ગઈ,જેના કારણે તેમને તાત્કાલિક દિલ્હીના સાકેત સ્થિત મેક્સ હોસ્પિટલમાં દાખલ કરવામાં આવ્યા.હોસ્પિટલમાં તેમની સર્જરી કરવામાં આવી અને ડોક્ટરોએ સ્ટેન્ટ ઇમ્પ્લાન્ટ કર્યું,જે સફળ રહ્યું.તેમને ટૂંક સમયમાં બીજો સ્ટેન્ટ આપવાનો હતો,પરંતુ ભાગ્યની યોજના કંઈક અલગ હતી.જસપાલ રાણાનું અવસાન કેવી રીતે થયું?જસપાલ રાણાના અવસાન બાદ મેક્સ સુપર સ્પેશિયાલિટી હોસ્પિટલના કાર્ડિયાક સાયન્સના ગ્રુપ ચેરમેન અને ઇન્ટરવેન્શનલ કાર્ડિયોલોજીના ચીફ ડૉ.બલબીર સિંહે એક મહત્વપૂર્ણ નિવેદન બહાર પાડ્યું છે. તેમણે જણાવ્યું હતું કે જસપાલ રાણાને હોસ્પિટલમાં લાવવામાં આવ્યા ત્યારે તેમની હાલત ગંભીર હતી.ડૉ.બલબીર સિંહના જણાવ્યા મુજબ,જ્યારે જસપાલ રાણા હોસ્પિટલમાં પહોંચ્યા,ત્યારે તેમને પહેલાથી જ ગંભીર હૃદયરોગનો હુમલો આવી ચૂક્યો હતો,જે લગભગ ત્રણ દિવસનો હતો.તેઓ સતત મુસાફરી કરી રહ્યા હતા અને સતત છાતીમાં દુખાવો થતો હતો,જેને તેમણે અવગણ્યો હતો.તેમણે આગળ સમજાવ્યું,હોસ્પિટલમાં પહોંચ્યા પછી,પરીક્ષણોમાં જાણવા મળ્યું કે હૃદયરોગનો હુમલો લાવનારી મુખ્ય ધમની સંપૂર્ણપણે બ્લોક થઈ ગઈ હતી.સારવારમાં વિલંબને કારણે, તેમના હૃદયની પમ્પિંગ ક્ષમતા નોંધપાત્ર રીતે નબળી પડી ગઈ હતી,અને તેઓ હૃદયની નિષ્ફળતા સુધી પહોંચી ગયા હતા.સ્વસ્થ થયા પછી ઊંઘમાં નિધન ડૉ.સિંહે સમજાવ્યું કે હૃદયરોગના હુમલા પછી લાંબા સમય સુધી હોસ્પિટલમાં આવતા દર્દીઓમાં હૃદય હુમલ બાદ જોખમ નોંધપાત્ર રીતે વધી જાય છે,જે અચાનક મૃત્યુ થવાની સંભાવના છે.જો કે સારવાર પછી રાણાના સ્વાસ્થ્યમાં નોંધપાત્ર સુધારો થયો હતો,અને તેમને આજે હોસ્પિટલમાંથી રજા આપવામાં આવનાર હતી. કમનસીબે, ઊંઘતી વખતે તેમને અચાનક હૃદય  હુમલો આવ્યો જેના પરિણામે તેમનું નિધન થયું.આ પણ વાંચો - Asian Gamesના ગોલ્ડ મેડલિસ્ટ અને દિગ્ગજ શૂટિંગ કોચ જસપાલ રાણાનું નિધન