Omanમાં 20 ભારતીયો સવાર હતા તે જહાજ પર મોટો હુમલો, શિનાસ બંદરગાહ નજીક બનાવવામાં આવ્યું નિશાન!

સ્ટ્રેટ ઓફ હોર્મુઝ પાસેથી ભારત માટે વધુ એક આંચકાજનક સમાચાર આવ્યા છે. અહીંથી પસાર થઈ રહેલા એમટી જલવીર નામના જહાજ પર હુમલો કરવામાં આવ્યો છે અને આમાં પણ 20 ભારતીય નાવિકો સવાર હતા. અત્યાર સુધી આ ઘટનાને લઈને વધુ માહિતી સામે આવી નથી. આ ઘટના ઓમાનના શિનાસ બંદર પાસે ઘટી છે. ઓમાનના શિનાસ બંદર પાસે કોમર્શિયલ જહાજ પર હુમલો ઓમાનના શિનાસ બંદર પાસેથી વધુ એક એવા સમાચાર આવ્યા છે, જે ભારતને આંચકો આપનારા છે. અહીં વધુ એક કોમર્શિયલ જહાજ પર હુમલો થયો છે. અધિકારીઓએ જણાવ્યું કે તેમને આ ઘટનાની માહિતી મળી ગઈ છે અને પરિસ્થિતિ પર સતત નજર રાખવામાં આવી રહી છે. સાથે જ સ્થાનિક વહીવટીતંત્ર અને સંબંધિત એજન્સીઓ સાથે સંપર્ક સાધીને સંપૂર્ણ માહિતી એકત્રિત કરવામાં આવી રહી છે. સૂત્રોના જણાવ્યા અનુસાર એમટી જલવીર (MT Jalveer) નામનું જહાજ હુમલાનો ભોગ બન્યું છે. એવું કહેવામાં આવી રહ્યું છે કે આ ઘટના સ્ટ્રેટ ઓફ હોર્મુઝ પાસે ઓમાનના તટની નજીક થઈ. રિપોર્ટ્સ અનુસાર જહાજ પર આશરે 20 ભારતીય નાગરિકો સવાર છે, જો કે તેમની સુરક્ષા અને સ્થિતિને લઈને અત્યાર સુધી કોઈ સત્તાવાર માહિતી જાહેર કરવામાં આવી નથી. વધતી જતી હિંસક ઘટનાઓ વચ્ચે અધિકારીઓ એલર્ટ અધિકારીઓનું કહેવું છે કે મામલાની તપાસ કરવામાં આવી રહી છે અને સ્થાનિક વહીવટીતંત્ર સાથે સતત સંપર્ક જાળવી રાખવામાં આવ્યો છે. ભારતીય અધિકારીઓએ પણ સ્થિતિ પર નજીકથી નજર રાખેલી છે. આ ઘટના એવા સમયે સામે આવી છે જ્યારે તાજેતરના દિવસોમાં ઓમાનની ખાડી અને હોર્મુઝ જલડમરુમધ્ય (સ્ટ્રેટ ઓફ હોર્મુઝ) ની આસપાસ વ્યાપારી જહાજો પર હુમલાની ઘટનાઓ વધી છે. આ પહેલા પણ પલાઉના ઝંડા હેઠળ જઈ રહેલા જહાજ પર હુમલો થયો હતો, જેમાં 24 ભારતીય નાવિકો સવાર હતા, જેમાંથી 3 લોકોના મોત થયા હતા. આ પણ વાંચો-Amitabh Bachchanએ રેખા સાથેના સંબંધો પર કર્યો હતો પોતે જ ખુલાસો, કહ્યું- 'અમે એકબીજાને મળતા હતા...!'