PM મોદીનો મેગા રેકોર્ડ, 4399 દિવસનો કાર્યકાળ કર્યો પૂર્ણ, અનેક શહેરોમાં ઉજવણી

ભારતના લોકશાહી ઇતિહાસમાં 9 જૂન, 2026 નો દિવસ એક સુવર્ણ અક્ષરે લખાયો છે. વડાપ્રધાન નરેન્દ્ર મોદીએ દેશના પ્રથમ વડાપ્રધાન પંડિત જવાહરલાલ નેહરુનો 4398 દિવસનો રેકોર્ડ તોડીને, સૌથી લાંબા સમય સુધી સેવા આપનારા ચૂંટાયેલા વડાપ્રધાન તરીકેનો કીર્તિમાન સ્થાપિત કર્યો છે. આજે તેમનો કાર્યકાળ 4399 દિવસ પર પહોંચ્યો છે.62 વર્ષ જૂના રેકોર્ડનું નિર્માણ26 મે, 2014ના રોજ પ્રથમવાર વડાપ્રધાન તરીકે પદભાર સંભાળ્યા બાદ, પીએમ મોદીએ સતત ત્રણ ટર્મ સુધી દેશનું નેતૃત્વ કર્યું છે. પંડિત નેહરુ મે 1952 માં દેશના પ્રથમ ચૂંટાયેલા વડાપ્રધાન બન્યા હતા અને 27 મે, 1964 સુધી તેમણે પદ સંભાળ્યું હતું. આ 62 વર્ષ બાદ, પીએમ મોદીએ આ આંકડાને પાછળ છોડીને એક નવો અધ્યાય શરૂ કર્યો છે.રાજકીય સફર અને સિદ્ધિઓપીએમ મોદીની આ સફર માત્ર વડાપ્રધાન પદ સુધી મર્યાદિત નથી. 2001 થી 2014 સુધી ગુજરાતના મુખ્યમંત્રી તરીકેના 13 વર્ષના સફળ અનુભવ બાદ, તેમણે ૨૦૧૪માં કેન્દ્રની ધુરા સંભાળી હતી. તેમના 12 વર્ષના પ્રધાનમંત્રી તરીકેના કાર્યકાળમાં દેશમાં અનેક પરિવર્તનકારી નિર્ણયો લેવામાં આવ્યા છે:ઐતિહાસિક નિર્ણયો: જમ્મુ-કાશ્મીરમાંથી કલમ ૩૭૦ની નાબૂદી.આર્થિક ક્રાંતિ: ડિજિટલ પેમેન્ટ્સ અને 'આત્મનિર્ભર ભારત' અભિયાન દ્વારા અર્થતંત્રને નવી ગતિ.માળખાગત વિકાસ: દેશભરમાં અત્યાધુનિક ઈન્ફ્રાસ્ટ્રક્ચરનું નિર્માણ.વૈશ્વિક મંચ પર ભારતનો દબદબોવડાપ્રધાન તરીકે પીએમ મોદીએ વૈશ્વિક સ્તરે ભારતની પ્રતિષ્ઠામાં અનેકગણો વધારો કર્યો છે. તેમને વિશ્વના 31 દેશો દ્વારા સર્વોચ્ચ નાગરિક સન્માન આપવામાં આવ્યા છે, જે તેમની મુત્સદ્દીગીરીની સફળતા દર્શાવે છે. એપ્રિલ 2016માં સાઉદી અરેબિયાના 'ઓર્ડર ઓફ કિંગ અબ્દુલઅઝીઝ'થી શરૂ કરીને, તાજેતરમાં નોર્વેના 'રોયલ નોર્વેજીયન ઓર્ડર ઓફ મેરિટ' સુધીના સન્માનો તેમની આંતરરાષ્ટ્રીય સ્વીકૃતિનો પુરાવો છે. આ ઉપરાંત, તેમણે અમેરિકા, બ્રિટન અને ઓસ્ટ્રેલિયા સહિત ૧૫ દેશોની સંસદોને સંબોધિત કરી છે, જે ભારત માટે એક ગૌરવપૂર્ણ સિદ્ધિ છે.દેશભરમાં ઉત્સાહનું વાતાવરણઆ ઐતિહાસિક સિદ્ધિ બદલ દેશભરમાં ભાજપ દ્વારા વિવિધ કાર્યક્રમોનું આયોજન કરવામાં આવ્યું છે. દિલ્હીના માર્ગો પર વિશાળ બિલબોર્ડ્સ લગાવવામાં આવ્યા છે, અને પાર્ટીના કાર્યકર્તાઓ તથા નેતાઓ વિવિધ મંદિરોમાં વિશેષ પ્રાર્થના કરી રહ્યા છે. આ ઉજવણી માત્ર એક રેકોર્ડ તોડવાની નથી, પરંતુ દેશની પ્રગતિની એક નવી સફરની ઉજવણી છે.આ પણ વાંચોઃ Iran America War : અમેરિકાએ ઇરાન પર કર્યો એક બાદ એક હુમલો, ઇરાને કર્યો વળતો પ્રહાર