RBIએ કેન્દ્ર સરકારને ચૂકવ્યા 2.86 લાખ કરોડ રૂપિયા, જાણો કારણ

ભારતીય રિઝર્વ બેન્કે (Reserve Bank of India) કેન્દ્ર સરકારને નાણાકીય વર્ષ 2025-26 માટે ₹2.86 લાખ કરોડ રૂપિયાનું રેકોર્ડ ડિવિડન્ડ ટ્રાન્સફર કર્યું છે. આ નિર્ણય બેન્કના સેન્ટ્રલ બોર્ડની બેઠકમાં મંજૂર કરવામાં આવ્યો છે.અત્યાર સુધીનું સૌથી મોટું ડિવિડન્ડ RBI દ્વારા જાહેર કરાયેલા નિવેદન મુજબ સેન્ટ્રલ બોર્ડે સરકારને કુલ ₹2,86,588.46 કરોડના સરપ્લસ ટ્રાન્સફરને મંજૂરી આપી છે. આ ડિવિડન્ડ અત્યાર સુધીનો સૌથી મોટું માનવામાં આવી રહ્યો છે. ગયા વર્ષે RBIએ કેન્દ્ર સરકારને ₹2.69 લાખ કરોડ અને તે પહેલાંના વર્ષે ₹2.11 લાખ કરોડનો ડિવિડન્ડ આપ્યું હતું. બેન્કના જણાવ્યા અનુસાર 31 માર્ચ 2026 સુધી RBIની બેલેન્સ શીટ 20.61 ટકા વધીને ₹91,97,121.08 કરોડ થઈ છે. રિવાઈઝ્ડ ઇકોનોમિક કેપિટલ ફ્રેમવર્ક (ECF) મુજબ કન્ટિજેન્સી રિસ્ક બફર (CRB) બેલેન્સ શીટના 4.5% થી 7.5% વચ્ચે રાખવામાં આવે છે.આ રકમ અપેક્ષા કરતાં ઓછી રહી સરકારે બજેટ 2025-26માં RBI તરફથી લગભગ ₹3.16 લાખ કરોડ ડિવિડન્ડ મળવાનો અંદાજ લગાવ્યો હતો, પરંતુ આ રકમ અપેક્ષા કરતાં ઓછી રહી છે. તેમ છતાં, વિશ્લેષકોનું માનવું છે કે આ મોટા ડિવિડન્ડથી સરકારને નાણાકીય દબાણ વચ્ચે થોડી રાહત મળશે, ખાસ કરીને ક્રૂડ ઓઈલના ભાવ વધતા ઈમ્પોર્ટ બિલમાં થયેલા વધારા વચ્ચે. આ નિર્ણય RBI ગવર્નર સંજય મલ્હોત્રાની અધ્યક્ષતામાં યોજાયેલી 623મી સેન્ટ્રલ બોર્ડ બેઠકમાં લેવામાં આવ્યો હતો. આ પણ વાંચો : Wipro Share Buyback : શેરહોલ્ડર્સ પાસેથી 15,000 કરોડના શેર પરત ખરીદશે કંપની, જાણો કારણ