Women Health: સતત પેટ ફૂલવાના લક્ષણને મહિલાઓ ના કરે અવગણના, Ovarian Cancerનું હોઈ શકે સંકેત

સ્ત્રીઓના શરીરમાં હોર્મોનલ બદલાવોને કારણે અનેક પ્રકારના શારીરિક ફેરફારો થતા હોય છે, જેમાંથી 'પેટ ફૂલવું' (Bloating) એક સામાન્ય સમસ્યા છે. સામાન્ય રીતે ગેસ, અપચો, માસિક સ્રાવ (Periods) કે ખાણી-પીણીમાં ફેરફારને કારણે પેટ ફૂલવાની સમસ્યા થતી હોય છે અને તે થોડા સમયમાં આપોઆપ મટી પણ જાય છે. પરંતુ, જો આ સમસ્યા લાંબા સમય સુધી સતત ચાલુ રહે, તો તેને સામાન્ય ગણીને અવગણવી ભારે પડી શકે છે. સતત પેટ ફૂલવું એ ક્યારેક અંડાશયના કેન્સરનું પ્રારંભિક લક્ષણ હોઈ શકે છે. ચાલો આ ગંભીર વિષય વિશે વિગતવાર સમજીએ.શું પેટ ફૂલવું એ અંડાશયના કેન્સરની નિશાની છે?અંડાશયના કેન્સરને શરૂઆતના તબક્કામાં ઓળખવું ખૂબ જ મુશ્કેલ છે, કારણ કે તેના લક્ષણો રોજિંદી પાચનની સમસ્યાઓ જેવા જ હોય છે. મોટાભાગની મહિલાઓ તેને ગેસ કે એસિડિટી સમજીને ઘરગથ્થુ ઉપચારો અથવા ગેસની ગોળીઓ લેવાનું શરૂ કરી દે છે. પરંતુ, જો તમને ૨ થી ૩ અઠવાડિયા સુધી લગભગ દરરોજ પેટ ફૂલવાની અને ભારેપણાની સમસ્યા સતાવતી હોય, તો તે શરીર દ્વારા મળતો એક ગંભીર સંકેત હોઈ શકે છે.અંડાશયના કેન્સરના શરીરમાં દેખાતા લક્ષણોજ્યારે પેટ ફૂલવાની સમસ્યા અંડાશયના કેન્સર સાથે જોડાયેલી હોય, ત્યારે તેની સાથે નીચે મુજબના અન્ય લક્ષણો પણ જોવા મળી શકે છે. પેટ ફૂલવું એ ભલે એક નાની સમસ્યા લાગતી હોય, પરંતુ જો તે લાંબો સમય ટકે તો તે શરીરનો એક ચેતવણીભર્યો ઈશારો હોઈ શકે છે. સ્વાસ્થ્ય પ્રત્યે સભાન રહો અને સમયસર યોગ્ય પગલાં લો. એટલે જ શરીરમાં આ લક્ષણો દેખાય તો સાવધ થઈ જાઓ.પેટ અથવા પેલ્વિક (પેડુના) ભાગમાં સતત દુખાવો થવોપેટ હંમેશા ભરેલું કે ભારે લાગવુંભૂખ ઓછી લાગવી અથવા થોડું ખાધા પછી પણ પેટ ફૂલવા માંડવુંકોઈ ચોક્કસ કારણ વગર વજનમાં અચાનક વધારો કે ઘટાડો થવોવારંવાર પેશાબ કરવા જવું પડવુંલાંબા સમય સુધી કબજિયાત રહેવીપૂરતો આરામ કરવા છતાં અતિશય થાક લાગવોકઈ મહિલાઓને આ કેન્સરનું જોખમ જો કે અંડાશયનું કેન્સર કોઈપણ મહિલાને થઈ શકે છે, પરંતુ આ પરિબળો ધરાવતી મહિલાઓમાં તેનું જોખમ વધારે જોવા મળે છે. પરિવારમાં કોઈને અંડાશય, સ્તન (Breast) કે કોલોરેક્ટલ કેન્સર થયું હોય. સામાન્ય રીતે મેનોપોઝ (માસિક ધર્મ બંધ થયા) પછી આ જોખમ વધે છે, જો કે નાની ઉંમરની મહિલાઓ પણ તેનો ભોગ બની શકે છે. અતિશય સ્થૂળતા (ઓબેસિટી), સિગારેટનું ધૂમ્રપાન, એન્ડોમેટ્રિઓસિસ નામની બીમારી અથવા અમુક ચોક્કસ આનુવંશિક ફેરફારોના કારણે મહિલાઓમાં આ બીમારીનું જોખમ વધે છે.આ પણ વાંચો : માર્કેટમાં મળતા ક્લેને કહો બાય બાય! કેમિકલ મુક્ત મોડેલિંગ ક્લે આ રીતે ઘરે જ બનાવો!(Disclaimer: આ માહિતી વાચકોને વધારે વિગતો પુરી પાડવા માટે છે અને આ સંદર્ભમાં વધારે જાણકારી મેળવવા માટે આપ તજજ્ઞોનો સંપર્ક સાધી શકશો. )