ઈરાન-અમેરિકા વચ્ચે કરારનાં સમાચારથી શેરબજાર વધ્યું:સેન્સેક્સમાં 1695 પોઈન્ટનો ઉછાળો, 75,527 પર બંધ; નિફ્ટી 461 પોઈન્ટ ચઢીને 23,622 પર પહોંચ્યો

આજ એટલે કે શુક્રવાર, 12 જૂને સેન્સેક્સ 1695 પોઈન્ટના ઉછાળા સાથે 75,527 પર બંધ થયો. નિફ્ટીમાં પણ 461 પોઈન્ટનો ઉછાળો જોવા મળ્યો, તે 23,622 પર બંધ થયો. આજના કારોબારમાં રિયલ્ટી, પ્રાઈવેટ બેંક, સરકારી બેંક અને ફાઈનાન્સિયલ સર્વિસિસના શેરોમાં સૌથી વધુ ખરીદી જોવા મળી. જ્યારે સવારે સેન્સેક્સ 1000 પોઈન્ટ અને નિફ્ટી 300 પોઈન્ટના ઉછાળા સાથે ખુલ્યો હતો. ઈરાન-અમેરિકાની ડીલના સમાચારોથી માર્કેટમાં તેજી અમેરિકી રાષ્ટ્રપતિ ડોનાલ્ડ ટ્રમ્પે દાવો કર્યો છે કે ઈરાનના સુપ્રીમ લીડર મોજતબા ખામેનીએ એક નવી ડીલને મંજૂરી આપી દીધી છે, જેના હેઠળ ઈરાન ક્યારેય પરમાણુ હથિયારો નહીં રાખે અને ડીલ થતા જ હોર્મુઝ સ્ટ્રેટને ખોલી દેવામાં આવશે. જોકે ઈરાને હજુ સુધી તેની સત્તાવાર પુષ્ટિ કરી નથી. આ જ નિવેદનને કારણે શેરબજારમાં તેજી જોવા મળી છે. એશિયન બજારોમાં તેજી, સાઉથ કોરિયાનું બજાર 8% વધ્યું અમેરિકી બજારોમાં ગઈકાલે તેજી રહી વિદેશી રોકાણકારોએ ગઈકાલે 1987 કરોડના શેર વેચ્યા સેન્સેક્સ દિવસના ઉચ્ચ સ્તરથી 562 પોઈન્ટ ઘટીને 73,833 પર બંધ થયો હતો શેરબજારમાં ગઈકાલે એટલે કે 11 જૂને મિશ્ર કારોબાર જોવા મળ્યો હતો. સેન્સેક્સ દિવસના ઉચ્ચ સ્તરથી 562 પોઈન્ટ ઘટીને 73,833 ના સ્તરે બંધ થયો. જ્યારે નિફ્ટી 23,162 ના સ્તરે આવી ગયો છે. ગઈકાલના કારોબારમાં IT અને બેન્કિંગ શેરોમાં સૌથી વધુ વેચવાલી જોવા મળી હતી. સેન્સેક્સ સવારે ઘટાડા સાથે ખુલ્યો હતો. પરંતુ કારોબાર દરમિયાન તે લગભગ 400 પોઈન્ટ વધીને 74,394 ના દિવસના ઉચ્ચ સ્તરે પહોંચી ગયો હતો. જોકે, 1 વાગ્યા પછી બજારમાં તીવ્ર વેચવાલી આવી અને સેન્સેક્સ 150 પોઈન્ટ ઘટીને 73,833 ના સ્તરે બંધ થયો. નિફ્ટીમાં 53 પોઈન્ટનો ઘટાડો જોવા મળ્યો.