ભારતે અફઘાનિસ્તાનને ફોલોઓન આપ્યું:AFG 152 રનમાં ઓલઆઉટ; ઈન્ડિયાને 412 રનની લીડ; ડેબ્યૂ મેચમાં માનવ સુથારે 6 વિકેટ ઝડપી

ભારતે મુલ્લાનપુર ટેસ્ટમાં અફઘાનિસ્તાનને 152 રનમાં ઓલઆઉટ કરી દીધું છે. તેમને પ્રથમ ઇનિંગ્સમાં 412 રનની લીડ મળી છે. આ રીતે ઈન્ડિયન ટીમે અફઘાનિસ્તાનને ફોલોઓન રમવા માટે બોલાવી લીધું છે. રવિવારે મેચના ત્રીજા દિવસે અફઘાનિસ્તાને 113/5ના સ્કોરથી આગળ રમવાનું શરૂ કર્યું હતું અને છેલ્લી 5 વિકેટ માત્ર 39 રન બનાવવામાં ગુમાવી દીધી હતી. રહેમત શાહે સૌથી વધુ 60 રન બનાવ્યા હતા. બાકીના બેટર્સ ખાસ પ્રદર્શન કરી શક્યા નહોતા. ભારતીય ટીમ તરફથી ડેબ્યૂ મેચ રમી રહેલા માનવ સુથારે 6 વિકેટ ઝડપી હતી. પ્રસિદ્ધ ક્રિષ્નાને 3 વિકેટ મળી હતી. આ પહેલા ભારતીય ટીમે પોતાની પહેલી ઇનિંગ્સ 564/8ના સ્કોર પર ડિક્લેર કરી હતી. બન્ને ટીમની પ્લેઇંગ-11 ભારત (IND): કેએલ રાહુલ, યશસ્વી જયસ્વાલ, સાઈ સુદર્શન, શુભમન ગિલ (કેપ્ટન), રિષભ પંત (વિકેટકીપર), ધ્રુવ જુરેલ, વોશિંગ્ટન સુંદર, માનવ સુથાર, કુલદીપ યાદવ, મોહમ્મદ સિરાજ અને પ્રસિદ્ધ ક્રિષ્ના. અફઘાનિસ્તાન (AFG): સેદીકુલ્લાહ અટલ, રહેમાનુલ્લાહ ગુરબાઝ, અબ્દુલ મલિક, રહેમત શાહ, હશમતુલ્લાહ શાહિદી (કેપ્ટન), અફસાર ઝાઝાઈ (વિકેટકીપર), અઝમતુલ્લા ઓમરઝાઈ, શરાફુદ્દીન અશરફ, નાંગેલિયા ખરોટે, ઝિયાઉર રહેમાન શરીફી અને મોહમ્મદ સલીમ સફી.