મેગી અને ઓપન સિક્રેટના પેકેટમાં મળ્યા જીવતા કીડા:FSSAIએ નેસ્લે, KFC અને ફ્લિપકાર્ટને નોટિસ મોકલી; સપ્લાય ચેઇનમાંથી અસરગ્રસ્ત બેચને તાત્કાલિક હટાવવાના નિર્દેશ

ભારતીય ખાદ્ય સુરક્ષા અને માનક પ્રાધિકરણ (FSSAI)એ સોશિયલ મીડિયા પર આવેલી ફરિયાદો બાદ કાર્યવાહી કરતા નેસ્લે સહિતની ઘણી મોટી કંપનીઓને કારણ બતાવો નોટિસ જારી કરી છે. નેસ્લેને આ નોટિસ તેની સૌથી લોકપ્રિય પ્રોડક્ટ મેગીના એક પેકેટમાં કીડા (લાર્વા) મળવાની ફરિયાદ બાદ આપવામાં આવી છે. FSSAI એ આ મામલે કંપનીને તાત્કાલિક એક્શન ટેકન રિપોર્ટ રજૂ કરવા જણાવ્યું છે. FSSAIએ સોશિયલ મીડિયા પર વાયરલ થયેલી અન્ય ફરિયાદો પર પણ કાર્યવાહી કરતા સ્વચ્છતા (સાફ-સફાઈ) સંબંધિત મુદ્દાઓને લઈને ફાસ્ટ-ફૂડ ચેઈન KFC ને પણ નોટિસ આપી છે. આ ઉપરાંત, ખજૂરના એક પ્રોડક્ટમાં કીડા મળવાની ફરિયાદ પર ફ્લિપકાર્ટ ઇન્ડિયા અને ઓપન સિક્રેટ કંપનીને પણ રેગ્યુલેટરે જવાબ આપવા જણાવ્યું છે. FSSAIએ નેસ્લે પાસેથી 3 ખાસ મુદ્દાઓ પર જવાબ માંગ્યો ખાદ્ય નિયમનકાર (FSSAI) એ નેસ્લે ઇન્ડિયા પાસેથી જે વિગતવાર એક્શન ટેકન રિપોર્ટ માંગી છે, તેમાં ત્રણ મુખ્ય ક્ષેત્રોને આવરી લેવાના નિર્દેશ આપવામાં આવ્યા છે: નેસ્લે માટે આ મામલો શા માટે સંવેદનશીલ છે? મેગી નૂડલ્સ નેસ્લે ઇન્ડિયાના સૌથી મોટા અને વ્યાવસાયિક રીતે અત્યંત મહત્વપૂર્ણ બ્રાન્ડ્સમાંથી એક છે. કંપની માટે આ નોટિસ એટલા માટે પણ સંવેદનશીલ છે કારણ કે વર્ષ 2015માં પણ નેસ્લે એક મોટા રેગ્યુલેટરી સંકટનો સામનો કરી ચૂકી છે. તે સમયે FSSAIએ લેડ (સીસા) ની માત્રા વધુ હોવા અને MSG લેબલિંગ વિવાદને કારણે મેગીના દેશવ્યાપી રિકોલ (બજારમાંથી પાછા મંગાવવા) નો આદેશ આપ્યો હતો. તે વિવાદે કંપનીના વેચાણ અને બ્રાન્ડના વિશ્વાસને ભારે નુકસાન પહોંચાડ્યું હતું, જેને કંપનીએ વર્ષોની મહેનત પછી ફરીથી પ્રાપ્ત કર્યું છે. આવા સમયે, સોશિયલ મીડિયાની ફરિયાદ પર આવેલી આ નવી નોટિસ કંપનીની પ્રતિષ્ઠાની દ્રષ્ટિએ ખૂબ જ મહત્વપૂર્ણ માનવામાં આવે છે. સોશિયલ મીડિયા પર વાયરલ ફરિયાદો બાદ કાર્યવાહી નેસ્લે, KFC, ફ્લિપકાર્ટ ઇન્ડિયા અને ઓપન સિક્રેટને એકસાથે જારી કરાયેલી નોટિસોથી ફૂડ સેફ્ટી રેગ્યુલેશનની એક નવી પેટર્ન દેખાઈ રહી છે. હવે સોશિયલ મીડિયા પ્લેટફોર્મ્સ પર વાયરલ થતી ગ્રાહકોની ફરિયાદો સીધી સત્તાવાર રેગ્યુલેટરી નોટિસમાં બદલાઈ રહી છે. આનાથી કોઈ વ્યક્તિગત ફરિયાદ અને કંપની પાસેથી મંગાવવામાં આવતા સત્તાવાર રિપોર્ટ વચ્ચેનો સમય ખૂબ ઓછો થઈ ગયો છે. ભારતમાં કામ કરી રહેલી ખાદ્ય અને ક્વિક સર્વિસ કંપનીઓ માટે આ એક મોટું ઓપરેશનલ રિસ્ક (કામકાજી જોખમ) બની ચૂક્યું છે, જ્યાં એક સિંગલ વાયરલ પોસ્ટ કંપની માટે કાનૂની અને પ્રતિષ્ઠા સંબંધિત મુશ્કેલીઓ ઊભી કરી શકે છે.