Hockey U18 Asia Cup: ભારતે ફાઈનલમાં ડિફેન્ડિંગ ચેમ્પિયનને હરાવીને હોકી અંડર-18 એશિયા કપનો ખિતાબ જીત્યો

ભારતે 2026 અંડર-18 હોકી મેન્સ એશિયા કપનો ખિતાબ જીત્યો છે. ફાઈનલમાં ભારતનો સામનો ડિફેન્ડિંગ ચેમ્પિયન જાપાન સામે થયો હતો. જાપાની ટીમ આ ટુર્નામેન્ટમાં અત્યાર સુધી અપરાજિત રહી હતી, તેને પુલ રાઉન્ડમાં ભારતને હરાવ્યું હતું. ટીમ ઈન્ડિયાએ કાવાસાકી હેવી ઈન્ડસ્ટ્રીઝ હોકી સ્ટેડિયમમાં યજમાન ટીમને કોઈ તક આપી ન હતી, 4-1થી જીત મેળવી હતી. આ જીત સાથે ભારત ટુર્નામેન્ટના ઈતિહાસમાં સૌથી સફળ દેશ બની ગયો છે. આ ટીમની ત્રીજી ટ્રોફી છે. પાકિસ્તાને 2 વાર ટાઈટલ જીત્યું છે. ભારતે બીજી જ મિનિટમાં ગોલ કર્યો સેમીફાઈનલમાં મલેશિયાને 8-1થી હરાવનાર જાપાની ટીમ ફાઈનલમાં સારું પ્રદર્શન કરવામાં નિષ્ફળ રહી. મેચની બીજી મિનિટે ભારતને પેનલ્ટી કોર્નર મળ્યો. આશિષ તાની પૂર્તિએ પેનલ્ટીને ગોલમાં રૂપાંતરિત કરીને ભારતને લીડ અપાવી. બીજા ક્વાર્ટરની 28મી મિનિટે આશિષે ભારતનો બીજો ગોલ કર્યો. 30મી મિનિટે કેતન કુશવાહાએ ફિલ્ડ ગોલ કરીને ટીમની લીડ 3-0 કરી દીધી. આશિષ તાની પૂર્તિએ હેટ્રિક લીધી હતી ત્રીજા ક્વાર્ટરની ચોથી મિનિટે આશિષે ભારત માટે બીજો ગોલ કરીને પોતાની હેટ્રિક પૂર્ણ કરી અને ટીમની લીડ 4-0 સુધી લંબાવી. જાપાન માટે નુમાદા ગાકુએ 52મી મિનિટે પેનલ્ટી કોર્નરથી ગોલ કર્યો. ભારતે યજમાન ટીમને વધુ કોઈ તક આપી નહીં, અને મેચ 4-1થી જીતીને ટાઈટલ જીત્યું. PM મોદીએ પાઠવ્યા અભિનંદન ભારતીય પુરુષ અંડર-18 હોકી ટીમને પુરુષોનો અંડર-18 એશિયા કપ 2026 જીતવા બદલ અભિનંદન. ટીમે સમગ્ર ટુર્નામેન્ટ દરમિયાન ઉત્તમ કૌશલ્ય અને ટીમવર્કનું પ્રદર્શન કર્યું, અંતે ફાઈનલમાં યાદગાર વિજય મેળવ્યો. આ જીત આપણા યુવાનોમાં હોકીની વધતી જતી લોકપ્રિયતાને પણ પ્રતિબિંબિત કરે છે. હું ટીમને તેમના ભવિષ્યના પ્રયાસો માટે શુભકામનાઓ પાઠવું છું. આ પણ વાંચો: Vaibhav Sooryavanshi પર થયો પૈસાનો વરસાદ, ઓરેન્જ કેપ સહિત આ એવોર્ડ જીત્યા