I.N.D.I.Aની બેઠક પહેલાં કોંગ્રેસ વિરુદ્ધ પોસ્ટરો લાગ્યા:મમતા, અખિલેશ, તેજસ્વી સહિત 23 વિપક્ષી દળોના નેતાઓ સામેલ થશે

ઇન્ડિયા બ્લોકની બેઠક પહેલાં દિલ્હીના અકબર રોડ પર કોંગ્રેસ વિરુદ્ધ પોસ્ટર લગાવવામાં આવ્યા છે. તેમાં રાહુલ ગાંધીની તસવીર અને કોંગ્રેસ વિરુદ્ધ નિવેદનો છે. NCP-SCP ચીફ શરદ પવારની તસવીરવાળા પોસ્ટર પર લખ્યું છે - રાહુલ ગાંધીમાં સુસંગતતાનો અભાવ છે. શરદ ઉપરાંત AAP સંયોજક અરવિંદ કેજરીવાલ, પંજાબના CM ભગવંત માન, TMC ચીફ મમતા બેનર્જી, આંધ્રના પૂર્વ ડેપ્યુટી CM ઉદયનિધિ સ્ટાલિનની તસવીરવાળા પોસ્ટર લાગ્યા છે અને કોંગ્રેસ વિરુદ્ધ આપેલા નિવેદનો લખેલા છે. પોસ્ટર કોણે લગાવ્યા, તેની માહિતી સામે આવી નથી. NDA સરકારને ઘેરવા માટે 2 વર્ષ પછી I.N.D.I.A બ્લોકની આજે બપોરે 12 વાગ્યે દિલ્હીના કોન્સ્ટિટ્યુશન ક્લબમાં બેઠક છે. કોંગ્રેસનો દાવો છે કે તેમાં 23 વિપક્ષી દળો સામેલ થશે. જોકે, પાર્ટીએ આ દળોના નામ જણાવ્યા નથી. કોંગ્રેસ મહાસચિવ જયરામ રમેશે જણાવ્યું કે 23 દળો ભાજપ સરકારની નીતિઓ વિરુદ્ધ એકજૂટ થઈ રહ્યા છે. તેમણે X પોસ્ટમાં 'ઈન્ડિયા'ને 'ઈન્ડિયા જનબંધન' લખ્યું. TMC ચીફ મમતા બેનર્જી અને તેમના ભત્રીજા અભિષેક દિલ્હી પહોંચી ગયા છે. રવિવારે તેમણે AAP સંયોજક અરવિંદ કેજરીવાલ સાથે મુલાકાત કરી. આ બેઠકની વિગતો સામે આવી નથી. I.N.D.I.A ની અત્યાર સુધીમાં 6 બેઠકો થઈ ચૂકી છે. તેમાં એક વર્ચ્યુઅલ બેઠક સામેલ છે. સત્તાવાર રીતે I.N.D.I.A નો એજન્ડા નક્કી નથી. બધા પક્ષો પોતપોતાના મુદ્દા ઉઠાવી શકે છે. I.N.D.I.A બ્લોકની મીટિંગ સંબંધિત એપડેટ માટે નીચેના બ્લોક પર જાઓ...